«ЗЕКЕТ ЖӘНЕ ҚАЙЫРЫМДЫЛЫҚ»: «ӘЛ-ФАРАБИ» МЕШІТІНІҢ САНТЕХНИК МАМАНЫНА ҚУАНЫШ СЫЙЛАДЫ (ФОТО)

28 қазан 2025 675 0 Оқу режимі

ҚМДБ Астана қаласы өкілдігі «Зекет және қайырымдылық» қорының ұйымдастыруымен «14 мешіт, 14 қызметкер» жобасы іске қосылып, алғашқы бастамасы елордадағы «Әл-Фараби» мешітінен бастау алды.

Құлшылық ордасында оператор әрі сантехник маманы болып қызмет атқарып жүрген жанға күнделікті тұрмысқа қажетті азық-түлік қоржыны үлесірілді. Іс-шараға Астана қаласы өкілдігі бойынша жауапты маманы Нұрбол Оразбай жән басқа да дін қызмектерлері мен еріктілер атсалысты.

Айта кетсек, аталмыш жоба алдағы уақытта жалғасын табады. Қайырымдылық – қоғамдағы мейірім мен ізгілікті арттырып, мұқтаж жандардың көңіліне қуаныш ұялататын игі амал. Бұл бастама халқымыздың бірлік пен бауырмалдыққа негізделген асыл құндылықтарын дәріптеп, ел ішінде ізгі істердің үлгісін көрсетуді мақсат етті.