ЖАСТАР ІСІ СЕКТОРЫ: «AQ MESHIT» ЖАСТАРЫ АРАСЫНДА ФУТБОЛ ТУРНИРІ ӨТТІ (ФОТО)

ҚМДБ Астана қаласы өкілдігі Жастар ісі секторы «Aq meshit» мешітінің бас имамы Дәурен Муслимовтың бастамасымен, мешіттің Жастар ісіне жауапты маманы Жақып Алимовтың ұйымдастыруымен жамағатаралық футбол турнирі болып өтті.

Шараға мешіт жамағатымен бірге ҚМДБ Жастар ісі секторының меңгерушісі Күзекбай Бағыжан Ерболатұлы да арнайы қатысып, салауатты өмір салтын насихаттауға үлес қосты. Турнирдің мақсаты – жамағат арасындағы ауызбіршілікті арттырып, жастарды салауатты өмір салтына баулу.

Қатысушылар спорттық шеберліктерін паш етіп, достық пен бірліктің үлгісін көрсетті. Жеңімпаздар мен үздік ойыншылар арнайы дипломдармен марапатталды. Қатысушылар ұйымдастырушыларға алғыс айтып, осындай игі шаралардың жиі өткізілуіне ниет білдірді.

Дереккөз: ҚМДБ Астана қаласы өкілдігінің баспасөз қызметі