Намазда жыласа, не болады?

Намаз оқып жатқан кезде жыласа, намаз бұзыла ма? Бекжан

Жауап

Намаз оқып тұрғанда жылау мәселесін қысқаша бірнеше бөлікке бөліп қарастыруға болады:

1. Алладан қорқып немесе жұмақ-тозақты ойлағандықтан, күнәсіне тәубе етіп жыласа, намазы бұзылмайды.
2. Басқа түскен қиындық әсерінен әріптері белгілі болатындай дауыстап жыласа, намазы бұзылады, дәреті емес. Мысалы, «ой», «ммм» т.б.
3. Дене жарақаты себепті ауырсынып, «аһылеп, уһылеп» немесе ыңырсып дауыстап жыласа, намазы бұзылады (дәрет бұзылмайды). Ал, еріксіз ыңырсып, өз-өзін ұстай алмай ауырсынып «аһылесе», намазы бұзылмайды.
4. Кез келген себеп әсерінен (мейлі қиындық әсерінен, сырқаты себепті, т.б) сыртқа дауысын шығармай, тек іштей көзінен жас шығарып жыласа, намаз бұзылмайды[1].