Adamdy saýyt sekildi qorǵaıtyn duǵa

07 naýryz 2019 20423 0
Оqý rejımi

Ánás ıbn Málık (r.a.) Paıǵambarymyzdyń (s.ǵ.s.) bul duǵany tańǵy jáne keshki ýaqyttarda úzbeı oqyǵandyǵyn aıtyp: «Rasynda, adam balasy tańerteń nemese keshke ózin ne kútip turǵanyn bilmeıdi», − degen. Osy duǵaǵa qatysty Mýnáýıdiń «Faıdýl-qadıır» atty eńbeginde Ibn ál-Qaıım: «Kimde-kim bul duǵany úzbeı oqysa, qanshalyqty izgilikti duǵa ekendigin túsinedi ári kóptegen paıdasyn kóredi. Bul duǵa adamdy Allanyń qalaýymen kóz tııýden de saqtaıdy. Al eger kóz tıgen bolsa, onyń keri áserin joıady. Áıtse de, bul, osy duǵany oqyǵan quldyń ımanynyń beriktigine, táýekeliniń bekemdigine jáne júreginiń tazalyǵyna baılanysty. Shúbásiz, bul duǵa − oqyǵan adamdy qorǵaıtyn saýyt ispetti», − degen[1].

Oqylýy: Allahýmmá ınnı ás'álýká mın fáj'átılhaırı ýá á‘ýýzý bıká mın fáj'átısh-shárrı.

Maǵynasy: Ýa, Alla Taǵalam! Senen tosyn jaqsylyqtar suraımyn. Sondaı-aq, kútpegen jamandyqtardan saqtaı gór dep, bir Ózińe syıynamyn!


[1] Májma‘ý áz-záýáıd, 10-tom, 115-bet; Mýsnádý Ábı Ia‘la, 6-tom, 106-bet;  Faıdýl-qadıır, 5-tom, 10-bet

Tegter: duǵa duǵalar zikir
Pіkіrler Kіrý