«AǴAIYN - BIR TAMYR»
Aǵaıynmen arazdasyp, syrtynan sóz aıtyp, áleýmettik jelige shyǵaryp masqara qylsań, el seni de, ony da dattaıdy. Aǵaıyn arasyndaǵy daýda jeńgen adam — eń kóp utylǵan adam.
- «Bir-birin jat kóretin baýyrlar bolsa, onda sol áýlette bir bereke kem bolǵany» degen sóz bar. Munyń máni — bireýdi kemsitý emes, baýyrdyń orny bólek, baılanysy tereń ekenin uqtyrý.
-Jasyń jetpiske kelse de, basyńa is túsip, densaýlyǵyń syr bergen sátte eń áýeli oıyńa túsetin — týǵan baýyryń. Baladan buryn da baýyrǵa súıengiń keledi. Sebebi bala kúnnen birge ósken janǵa kóńil de, sana da baılanǵan.
-Quda-jekjattyń saǵan qabaq ashyp, qurmet kórsetýi — óz qyzdarynyń amandyǵy úshin ekenin umytpa. Solardyń aldynda týǵan baýyryńdy jamandap, ózińdi joǵary qoıma. Aǵaıynyn qadirlemegen adam — ózin de qadirsiz etedi.
-Baýyryńa qonǵan baqtyń shapaǵaty saǵan da tıedi. Sondyqtan baýyryńdy kúndeme, qaıta joly ashylsyn dep tile.
-Adam bul dúnıeden ótkende, keıde artynda qalǵan baýyrynyń qaıǵysy balasynan da aýyr bolady. Sebebi baýyr — seniń búkil balalyq shaǵyńnyń, jastyǵyńnyń kýási. Ol seni ómir boıy umytpaıdy, ár estelikte esine alyp otyrady.
-Baýyryń — bir ananyń qursaǵynan shyqqan, qanyń bir, janyń jaqyn adam. Al balań basqa áýletten kelgen anadan týady. Sondyqtan kelinniń sózine erip, balańnyń ókpesi úshin týǵan baýyryńnan teris aınalma.
-Keıde baýyryńnyń basyna is tússe, óziń de sebepsiz alańdap, júregiń shym ete qalady. Bul — baýyrdyń arasyndaǵy kózge kórinbeıtin baılanys. Qazaq beker «Aǵaıyn — bir tamyr» demegen.
