Alla Elshisiniń (s.ǵ.s.) hazireti Omarǵa úıretken nasıhaty

09 qazan 2018 512 0
Оqý rejımi

Paıǵambarlyqtyń alǵashqy kezeńderinde Alla Elshisi (s.ǵ.s) Hakam ıbn Keısamnyń (r.a) úıiniń esigine ımanǵa shaqyryp, kóp barady eken. Biraq ol ıman etpeıdi. Bir joly til tıgizip, renjitip te jiberedi.

Taǵy bir joly Rasýlalla (s.ǵ.s) ózimen birge hazireti Omardy (r.a.) alyp barady.Hakam ıbn Keısamdy taǵy da dinge shaqyrady. Biraq ádettegideı ol Alla Elshisine (s.ǵ.s.) taǵy da jaman sóz sóıleıdi.

Sol mezette Omar (r.a.) qylyshyn sýyryp alyp: «Iá, Rasýlalla! Myna úsh tıyndyq adam úshin nege qınalasyń? Maǵan ruqsat bershi, basyn qaǵyp túsireıin», – deıdi ashýlanyp.

Rasýlalla (s.ǵ.s) oǵan. «Áı, Omar! Adamdy tozaqqa túsirý – sheberlik emes, adamdy jánnatqa kirgizý – sheberlik», – deıdi.

Bardy, qaıtty. Osylaısha, Rasýlalla (s.ǵ.s) bizge nasıxat jolyn kórsetti. Barýyn toqtatpady, bara berdi. Eń sońynda – ol musylman boldy. Hıjranyń 4-shi jyly bir shaıqasta Hakam ıbn Keısam (r.a.) Quran ustazy bolǵan kúıde sháıit boldy.

Keıin jyldar ótken soń, Mádına kóshesinde Hakamnyń (r.a) týystaryn kórgen Omar (r.a) bireýiniń qolyn kóterip: «Eger sol kúni Rasýlalla (s.ǵ.s) meni tyńdasa, Hakam (r.a) tozaqtyń otyny bolar edi. Biraq, Rasýlalla (s.ǵ.s) meni tyńdamady, Hakam (r.a) jánnatqa sháıit bolyp kirdi», – dep aıtty.

Alla Taǵala «Axzab» súresiniń 21-aıatynda:

«Shúbásiz, Alla elshisinde sender úshin ári Allaǵa jáne aqyret kúnine bar úmitin artqan hám Allany kóp eske alyp, Oǵan kóp qulshylyq etetinder úshin qaı jaǵynan alsaq ta, teńdessiz úlgi - ónege bar», – dep buıyrǵanyndaı ekeni aqıqat.

(Túrkııalyq sıra ǵalymy Muxammed-Ámın Iyldyrymnyń dárisinen úzindi)
Aýdarǵan Q.Qabdolda

Pіkіrler Kіrý