ALLADAN QORQÝ

29 aqpan 2024 631 0
Оqý rejımi

Haýf, ıaǵnı Alladan qorqý rajanyń (úmittiń) qarama-qarsysy emes, kerisinshe ony tolyqtaýshysy bolady.Úmit tilek pen ynta arqyly jaqsylyq pen baqytqa sebepshi bolatyny sııaqty, haýf bolsa qorqynysh pen tartyný arqyly jaqsylyq pen baqytqa sebepshi bolady.

Alladan qorqý dárejesi Alla taǵalanyń sıpattaryn taný jáne bilý dárejesine sáıkes bolyp keledi.

Keı kezde Alla taǵala kúlli ǵalamdy joıyp jiberse, oǵan eshkim qarsy tura almaıtynyn eskersek, keıde jasalǵan kúnálardyń kóptigin oılaý men qorqynysh sezinedi. Keıde adam Alla taǵalanyń sıpattaryn bilip ári óz kúnásin eske túsirý arqyly qorqady.

Qul kúnálardan jáne dinimiz durys sanamaıtyn nárselerden aýlaq bolyp, ótkizgen qulshylyqtarynyń  qazasyn óteýge tyrysyp, jaqsy amaldar jasaýǵa tyrysý kerek. Bul talpynys ózinde bolǵan pendeniń Alladan qatty qorqýy jan dúnıesiniń ár jerine taraǵanynyń aıqyn belgisi. Sol sebepti tek jylap kóz jasyn tókkender emes, bálkim bul belgiler óziniń boıynda bolǵandar naǵyz Qudaıdan qorqatyndar bolyp sanalady.

Bir nárseden qoryqqan adam qorqatyn nárseden qashý kerek bolsa, al Alladan qorqatyn adam oǵan qaraı júgirýi (ıaǵnı Rabbysynyń ámirlerin oryndap, tyıym salǵan nárselerinen aýlaq bolý). Bul kúnálardy tárk etý arqyly múmkin bolady. Muny istegen adamnyń júreginde nápsiniń qalaýlary men dúnıelik lázzattardy tárk etý hali paıda bolady. Sosyn qarsy kelý men kúnálardy jek kóre bastaıdy. Eger bul jaǵdaı oryn alsa,onda ol adamynń minez-qulqyna qorqynyshtyń tolyq ornaǵanyn túsinýge bolady.

Hasan Basrı (rah.) bir kúni qatty qarqyldap  kúlip turǵan jas jigitti kezdestirgende, oǵan: «Eı, jas jigit, Sırattan óttiń be?» - dep suraıdy; Ol: «Joq, ótpedim» deıdi. Sonda Hasan Basrı:

«Sen jumaqqa nemese tozaqqa baratynyńdy bilesiń be?» - dep suraıdy. Álgi jigit: «Bilmeımin» - dep jaýap berdi. Sonda Hasan Basrı bylaı deıdi: «Sırattan ótpegendikten jánnatqa da kire almaısyń.

Tozaqqa da túsetinińdi bilmeısiń, sonsha kúlýińniń sebebi ne?!" Bul sózimen ol bul dúnıede orynsyz kúlip, kóńil kóterýdiń jón emestigin meńzeıdi. Sonda álgi jigit sózdiń salmaǵyn sezinip, kózqarasyn ózgertken eken.

 

Pіkіrler Kіrý