ALPYSQA KELGENNEN AQYL SURA

Ertede "Alpystan asqan shaldardyń basyn alyńdar!" dep buıyryq bergen eken bir han. Barlyq bala óz janynan qoryqqanynan ákelerin qyryp salypty. Bir jigit qana ákesin óltirýge qımaı, sandyqqa salyp arqalap júredi eken.
Bir kúni hannyń kóshi ózen jaǵasyna toqtaıdy. Jýynýǵa kelgen han sýdyń ishinen altynǵa uqsas sáýleni kóredi de: "anany maǵan alyp berińder!" dep pármen beredi.
Jandaıshaptary qansha tyryssa da álgi jyltyraǵan zatty ala almaıdy. Han qaharlanyp: "jas bolsańdar da, aqyldaryń, bilimderiń joq!" dep, ýázirlerine qaharyn tógipti.
Bul sózdi sandyqtaǵy qarııa da balasynan estıdi. Estıdi de:
— Sýdyń qasynda úlken tal ósip tur ma? — dep suraıdy.
— Iá... — deıdi uly.
— Onda altyn sol taldaǵy qustyń uıasynda. Kúnmen shaǵylysyp nury sýǵa túsip tur, — deıdi.
Bala hanǵa kelip altyndy taýyp beredi.
— Sen muny qaıdan bildiń? — degende, bala jigit shynyn aıtady.
Alpystan asqandardyń qajeti joq, basyn alyńdar degen jarlyǵyna ókingen han, ulǵa keshirim jasaıdy.
Kósemáli SÁTTIBAIULY