ALTYNNAN QUNY JOǴARY HADIS

Bul hadıske ıslam ǵalymdary «quny altynnan da joǵary» dep baǵa berdi. Hadıs Halıd ıbn Ýalıdten rıýaıat etiledi:

Birde Paıǵambarymyz Muhammedke (s.ǵ.s.) bir arab kisi kelip: «ýa Allanyń Elshisi men sizden qandaı amal jasaý arqyly izgilikke qol jetkizetindigimdi suraý úshin keldim», - dedi.

Paıǵambarymyz (s.ǵ.s.) oǵan: «Suraqtaryńdy qoı men jaýap bereıin», - dedi.

Suraq qoıýshy kókeıindegi suraqtaryn qoıdy, paıǵambarymyz (s.ǵ.s.) tómendegi jaýapty berdi:

- Adamdardyń arasyndaǵy eń bilimdi bolǵym keledi?

- Alladan qoryq, adamdardyń eń bilimdisi bolasyń.

- Adamdardyń eń baıy bolǵym keledi?

- Allanyń bergenderine shúkir qyl, adamdardyń eń baıy bolasyń.

- Eń ádiletti kisi bolǵym keledi?

- Ózińe qalaǵan nárseńdi ózgege de qala, adamdardyń eń ádili bolasyń.

- Adamdardyń eń jomarty bolǵym keledi?

- Adamdarǵa paıda tıgizýshi bol, adamdardyń eń jomarty bolasyń.

- Allanyń eń súıikti quly bolǵym keledi?

- Sen Allany kóp eske al, eń súıikti quldardan bolasyń.

- Imanymnyń qýatty bolǵanyn qalaımyn?

- Minezińdi túzet, ımanyń qýatty bolady.

- Alladan shyn qorqatyn adam bolǵym keledi?

- Qulshylyqtaryńdy sen Allany kórip turǵandaı orynda, eger sen Ony kórmeseń, Ol seni kórip tur.

- Allaǵa boısunýshy qul bolǵym keledi?

- Buıyrylǵandy orynda, tyıǵannan tıyl, boısunýshylardyn bolasyń.

- Qııamet kúni Allanyń quzyrynda dárejem kóterilgenin qalaımyn?

- Eshkimge qatygezdik jasama, qııamette Alla seniń dárejeńdi kóteretin bolady.

- Qııamette Allanyń meıirimine bólenýdi qalaımyn?

- Ózińe jáne Allanyń quldaryna meıirimdi bol.

- Kúnalarymnyń azaıǵanyn qalaımyn?

- Kóp táýbe et, kúnalaryń azaıady.

- Shúkirshil quldardan bolǵym keledi?

- Eshbir nársede adamdarǵa shaǵymdanba.

- Barlyǵynan kúshti - qýatty bolǵym keledi?

- Allaǵa táýekel et, barlyǵynan kúshti-qýatty bolasyń.

- Alla meniń nesibemdi kóbeıtkenin qalaımyn?

- Únemi dáretpen júr.

- Qııamet kúni Alla taǵalanyń maǵan ashýlanbaıtyndyǵyna senimdi bolǵym keledi?

- Allanyń jaratqandarynyń eshbirine ashýlanba.

- Allanyń meniń duǵa-tilekterime jaýap bergenin qalaımyn?

- Tıylǵan nárselerden ózińdi aýlaq usta, Alla seniń duǵa-tilekterińe jaýap beretin bolady.

- Qııamet kúni Allanyń quzyrynda kemshilikterimniń jasyrylǵanyn qalaımyn?

- Óz baýyrlaryńnyń kemshilikterin jasyr.

- Kúná men qatelikter ne nársemen keshiriledi?

- Kóz jasy, ıtaǵat etý jáne aýrý.

- Alla qaı amaldy jaqsy kóredi?

- Kórkem minez, qarapaıymdylyq jáne qaıǵyǵa sabyr etý.

- Alla qaı amaldy óte jek kóredi?

- Jaman minez ben sarańdyqty óte jek kóredi.

- Osy dúnıede Allanyń ashýyn qaıtaratyn qandaı amal bar?

- Jasyryn sadaqa berý jáne renjisken eki adamnyń arasyn tatýlastyrý.

- Qııamet kúni tozaqtyń otyn sóndiretin qandaı amal bar?

- Qaıǵy – muńda sabyr etý.

- Alla men Onyń elshisiniń (s.ǵ.s.) súıiktisi bolǵym keledi?

- Alla men onyń elshisiniń jaqsy kórgen nárselerin sen de jaqsy kór, - dep jaýap berdi.