Aýyrǵanda oqylatyn duǵalar

15 sáýіr 2019 769 0
Оqý rejımi

Alla elshisi (s.ǵ.s.) Osman bın Ábılastyń (r.a) kóńilin surap keldi. Ol aýyryp jatqan edi. Syrqaty aýyr jáne shanshıtyn edi.

– Aýyrǵan jerdi oń qolyńmen jeti ret ýqala da árqaısysynda: «Áýzý bıızzátıllahı ýá qýdrátıhı mın shárrı ma-ájıdý ýá ýhazırý dep oqy!» – dep buıyrdy. Osman bylaı deıdi:

– Aıtqanyndaı istedim. Aýrýymnan aıyǵyp kettim[1].

Aısha anamyz (r.a.) aıtqan:

– Bir jeri aýyrsa, Rasýlýlla (s.ǵ.s.) «Fáláq» jáne «Nas» súrelerin oqyp, múbárák qolyna úrlep, aýyrǵan jerin sıpaıtyn.

Kózi kórmeıtin bir kisi Paıǵambarymyzǵa (s.ǵ.s.) kelip: «Iıa, Rasýlalla! Alla Taǵalaǵa duǵa et, kózderim ashylsyn», – deıdi. Paıǵambarymyz (s.ǵ.s.) oǵan bylaı deıdi: «Jaqsylap dáret al! Sosyn, ııa, Rabbym, Saǵan jalynyp-jalbarynamyn. Súıikti Paıǵambaryń Muhammedti (S.ǵ.s.) ýásılá etip (araǵa qoıyp), Senen suraımyn. Eı, eń súıikti paıǵambarym Muhammed (S.ǵ.s.)! Seni ýásılá etip, Rabbyma jalbarynamyn. Sen úshin duǵamdy qabyl etýin qalaımyn. Iıa, Rabbym, osy uly Paıǵambaryńdy (S.ǵ.s.) maǵan shapaǵatshy et. Onyń qurmeti úshin duǵamdy qabyl ete gór!» – de». Ol kisi dáret alyp osylaı duǵa etti. Sol mezette kózderi ashyldy[2].

«Fatıha», «Aıat ál-Kýrsı» jáne «tórt Qýl» (ıaǵnı «Káfırýn», «Yqylas», «Fáláq», «Nas») súrelerin 7 retten oqyp aýrý kisige úrlenetin bolsa, Allanyń qalaýymen búkil qıynshylyqtarǵa, dertterge, sıqyrǵa, kóz tıgenge, janýarlardyń tistegenine, shaqqanyna jaqsy kómektesedi.

Oqylǵan Quran Kárimniń jáne duǵalardyń áser etýi úshin oqyp jatqan adam buǵan senip, naýqas haram taǵamdar men kúmándi dári-dármekten barynsha saqtanýy kerek. Yqylaspen, shyn kóńilmen táýbe etýi tıis. Duǵa da dári sııaqty, Alla Taǵala qalasa áser etedi. Shıpany Alla Taǵala beretinine sený kerek.

Paıǵambarymyz (s.ǵ.s.) úsh túrli em qoldanǵan: Quran Kárim, duǵa oqyǵan jáne ǵylymmen tabylǵan dárilerdi qabyldaǵan. Sondyqtan dárigerlerge de qaralý kerek. Ol da bir sebep. Alla Taǵala barlyq nárseni sebeppen jaratyp, solarǵa den qoıýǵa ámir etken.

 


[1] Bostanýl-Arıfın.
[2] Tırmızı.

Pіkіrler Kіrý