"AIaQTY AIQASTYRMA"

18 qańtar 2024 844 0
Оqý rejımi

Qazaqtar aıaqty aıqastyrǵandy aldaǵy basyp óter jolyn tuıyqtaý, ózine-ózi tosqaýyl qoıý sanap tyıymdaǵan. Sonymen birge aıaqty bir-birine mingestirýdi turpaıy ádepsizdikteı qabyldaǵan. Ásili, bulaı otyrý ertedegi kóne qazaq qoǵamynda bolmaǵan eken. Bul ózi aǵash oryndyqqa shoqııatyn elderden kelgen ádet.

"Aýrý - astan, ádet - dostan" degendeı, eshkimdi jat kórmeıtin keńqoltyq halyqpyz, ózgelermen dostasqan saıyn elikteı bergenbiz ǵoı. Endi, mine, búginde er-áıel demeı, jasóspirim bala demeı, qyz-qyrqyn demeı, kez kelgen orynda aıaqty aıqastyryp shirenetin boldy. Bir joly telearnadan ulttyq kıim-keshek tigetin kásiporny bar hanym

esip sóılep, shyǵarǵan kıimderin jalaýlata jarnamalap jatty. Ózi qysqalaý sándi kóılek kıgen eken, aıaǵyn aıqastyryp otyrǵanda qara sanyna deıin jalańashtanyp kórinip turdy. Otyrǵan ol emes, kórgen men uıaldym. Onyń ulttyq kıim tikkishtigin qaıteıin, ony bizge kıgizbek bolǵanyn qaıteıin, álgi "óziń dýanasyń, kimge pir bolasyń" degen osy sııaqtylarǵa arnalǵan-aý shamasy...

 

Zeınep Ahmetova "Kúretamyr"

 

Pіkіrler Kіrý