Balaǵa qandaı at qoıǵan durys?

Sahaba Abdýlla ıbn Abbas (r.a.) bala týylǵannan keıingi jetinshi kúni myna nárselerdi júzege asyrýdyń súnnet ekenin málimdegen: at qoıý jáne súndetke otyrǵyzý; týylǵanda náresteniń denesine jaǵylyp qalǵan qan sekildi las nárselerdi súrtip, tazalaý; eger qyz bolsa, qulaǵyn tesý; aqıqa qurbanyn shalý; shashyn alý; alynǵan shashtyń salmaǵyndaı altyn nemese kúmis sadaqa berý.

Bala dúnıege kelgennen keıin alǵashqy kúnderde kún tártibinde at qoıý máselesi turady. Hadıste bul jaıly: «Sender qııamet kúni óz esimderińmen jáne ákelerińniń esimderimen shaqyrylasyńdar. Olaı bolsa balaǵa ádemi esim qoıyńdar»[1], − delingen. Jaqsy at qoıý − ákeniń bala aldyndaǵy boryshtarynyń birine jatqyzylǵan. Paıǵambarymyzdyń (s.ǵ.s.) nárestelerge týyla salysymen at qoıǵan kezderi bolǵan. Biraq, kóbine buǵan náreste týylǵannan keıingi jetinshi kúndi durys kórgen.

Eń abzal esimderdiń sanatynda Abdýlla  (Allanyń quly) jáne Abdýrrahman (Rahmannyń quly) degen qos esimdi jatqyzǵan Paıǵambarymyz (s.ǵ.s.) musylmandyqty qabyldaǵan keı kisilerdiń nashar attaryn mándi ári jaǵymdy esimderge ózgertken. Sondyqtan musylman ǵulamalary adamǵa qoıylǵan attyń keıingi ómirge áseri bolatynyna sengen. Halqymyz da osy sebepti nárestege at qoıǵanda «Atyna zaty saı bolsyn» degen tilekterin bildirgen.

[1] Ábý Dáýd, Ádep, 70.