BAS MÚFTI MEMLEKET BASShYSYNYŃ ATYNAN BERILGEN AÝYZAShARǴA QATYSTY

Búgin qasıetti Ramazan aıynda Qazaqstan Respýblıkasy Prezıdenti Qasym-Jomart Toqaevtyń atynan elimizdiń barlyq oblys ortalyqtarynda aýyzashar dastarhany jaıyldy.

Almaty qalasynda ótken rýhanı sharaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly qatysyp, jınalǵan qaýymdy múbárak aımen quttyqtady.

Aýyzasharǵa Almaty qalasyndaǵy zııaly qaýym ókilderi, óner adamdary, túrli eńbek ujymdary, qarttar úıiniń turǵyndary, meshit jamaǵaty men ımamdar qatysty.

Aýyzashar barysynda Almaty qalasynyń ákimi Darhan Satybaldy sóz sóılep, qasıetti aıdyń qoǵamdaǵy tatýlyq pen birlikti nyǵaıtýdaǵy mańyzyn atap ótti. Sonymen qatar Bas múftı Naýryzbaı qajy Taǵanuly Ramazan aıynyń rýhanı tárbıelik mánine toqtalyp, jamaǵatty izgilik pen qaıyrymdylyqqa úndedi.

Sondaı-aq Qazaqstan Jazýshylar odaǵynyń tóraǵasy, jazýshy Mereke Qulkenov jáne ózge de zııaly qaýym ókilderi sóz sóılep, el birligi men rýhanııat taqyrybynda taǵylymdy oılarymen bólisti.

Rýhanı kesh barysynda dástúrli ánder shyrqalyp, kúmbirlegen kúı oryndaldy. Sonymen qatar ata-babalar rýhyna Quran baǵyshtalyp, el amandyǵy men jurt tynyshtyǵy úshin duǵa jasaldy.

«Ramazan – meıirim men berekeniń aıy. Bul aıda musylman balasy sabyr men shúkirshilikke úırenip, muqtaj jandarǵa janashyrlyq tanytady. Mundaı ıgi sharalar qoǵamdaǵy ózara túsinistik pen birlikti arttyra túsedi», – dedi Bas múftı.

Aıta keteıik, Qazaqstan Respýblıkasy Prezıdenti Qasym-Jomart Toqaevtyń atynan uıymdastyrylǵan aýyzasharlar elimizdiń barlyq óńirlerinde bir mezette ótkizilip, túrli sala ókilderin qamtydy.
































​

Tirkelgen qoldanýshylar ǵana pikir qaldyra alady. Saıtqa ki