Bul duǵalar kúlli jamandyqtan, zııandy nárselerden saqtaıdy

11 naýryz 2019 1258 0
Оqý rejımi

Sahaba Abdýllah ıbn Hýbáıb (r.a.) osy súrelerdiń tańerteń jáne keshke úsh retten oqylatyndyǵyna qatysty myna bir oqıǵany jetkizgen: «Birde Alla elshisi (s.ǵ.s.) maǵan: Tańerteń jáne keshke «Qýl hýa Allahý ahad» jáne «Mý‘aýýızátáındi» (Yqylas jáne Fáláq, Nás súrelerin) úsh retten oqyp júr. Bul súreler seni (Allanyń qalaýymen) kúlli jamandyq ataýlydan ári zııandy nárselerden saqtaıdy − dep aıtty», – degen.

«Yqylas» súresi. Oqylýy: Bısmılláhır-Rahmáánır-Rahıım. Qýl hýá-Allahý ahad. Allahýs-Samad. Lám ıálıd ýá lám ıýýlád. Ýá lám ıákýl-láhý kýfýán ahad (3 ret).

Maǵynasy: Asa raqymdy, erekshe meıirimdi Allanyń atymen! (Olarǵa): «Ol – Alla jalǵyz. Alla – Samad (eshkimge, esh nársege muqtaj emes, kerisinshe kúlli jaratylys Oǵan muqtaj). Ol − týmaǵan da, týylmaǵan. Ári Oǵan teń keler eshkim joq» («Yqylas» súresi), – dep aıt. 

«Fálaq» súresi. Oqylýy: Bısmılláhır-Rahmáánır-Rahıım. Qýl á‘ýýzý bırabbıl-fáláq. Mın shárrı má haláq. Ýá mın shárrı ǵaasıqın ızá ýáqab. Ýá mın shárrın-náffáás áátı fıl-‘ýqad. Ýá mın shárrı haasıdın ızá hasád (3 ret).

Maǵynasy: Asa raqymdy, erekshe meıirimdi Allanyń atymen! (Olarǵa): «Qarańǵy túnekti qaq jaryp atqan araıly tańnyń Rabbysyna; Ózi jaratqan kúlli jaratylystyń kesirinen, qarańǵy túskende túnniń kesirinen, túıinshikterge úrlep, dem salýshylardyń kesirinen, sondaı-aq, kúndegen kezdegi kúnshilderdiń kesirinen (saqtaı gór dep) sıynamyn!» («Fáláq» súresi), – dep aıt.

«Nas» súresi. Oqylýy: Bısmılláhır-Rahmáánır-Rahıım. Qýl á‘ýýzý bı Rabbın-náás. Málıkın-náás. Iláhın-náás. Mın shárrıl-ýásýáásılhan-náás. Állázı ıýýásýısý fı sýdýýrın-náás. Mınál-jınnátı ýán-náás (3 ret).

Maǵynasy: Asa raqymdy, erekshe meıirimdi Allanyń atymen! (Olarǵa): «Adamdardyń Rabbysyna, adamdardyń Patshasyna (Iesine), adamdardyń Táńirine; (Allanyń aty atalǵanda) keri sheginip jasyrynatyn, tynym tappaı adamdardyń júregine sybyrlap, azǵyrýmen bolatyn azǵyrýshynyń kesirinen (saqtaı gór dep) sıynamyn. (Ondaı azǵyrýshylar) adamdar men jyndardan bolady» («Nas» súresi), – dep aıt.

Pіkіrler Kіrý