BURYN...

• Buryn áke - úıdiń bıi edi. Ákeniń sózinen keıin sóz bolmaıtyn,

aıtqany - zań, kesimi - buljymaıtyn. Al búginde ákeniń bar-joǵy bilinbeı qaldy.

• Buryn áke ózi jatpaı turyp, aldymen bala-shaǵasyn ornyna jatqyzatyn. Al qazir áke keshki segizde uıyqtaıdy, balasy tańǵy segizde qydyrystan keledi.
• Buryn áke balasynyń temeki tartqanyn kórse, jerge kirgizip, jónge salatyn. Elýge kelgen ul da toqsan jastaǵy ákesiniń kózinshe temeki tartýǵa ımenetin. Al qazir áke men bala bir tal temekini bólisip shegedi.
• Buryn úıge qaıtý ýaqyty belgilenetin, toǵyzdan keshigýge bolmaıtyn. Al búginde jastardyń dýmany toǵyzdan keıin bastalyp, tań atqansha sozylady.
• Buryn áke úıge kirse, balalar ımenip, bólmelerine taraıtyn. Ákeniń ózi — tártip, ózi — aıbat edi. Al qazir ákege degen qurmet saýsaqpen sanarlyq bolyp qaldy.
• Buryn áke balasyn úlkenderdiń bas qosýyna ertip aparyp, sóz tyńdatatyn, salt-dástúrdi, maqal-máteldi, úlkendi syılaýdy úıretetin. Al qazir ár úıde qonaq bólme bar, biraq qonaq túgili, óz adam bas suqpaıdy.
• Buryn bireý balanyń teris qylyǵyna shaǵym aıtsa, áke balasyn qatty tyıyp,aldymen tártipke salatyn, keıin ózi baryp keshirim suraıtyn. Al qazir áke balasynyń teris isin aqtap álek.
• Buryn bala kókesine qarsy kelse, áke aıamaı jazalaıtyn. «Kóke - ekinshi áke» dep biletin. Al búginde keı ákeler balalaryn týǵan-týysyna qarsy qoıyp otyr.
• Buryn ákeniń úıdegi bolýy - tynyshtyq pen berekeniń kepili edi. Áke bar jerde -ana qadirli, janjal joq, tártip bar. Al búginde ákeniń aıbaty da, ananyń abyroıy da álsirep, ata-anaǵa qurmet azaıdy.
• Buryn áke balasyna jylqy minýdi, júzýdi, ań aýlaýdy, mergendikti úıretetin. Al qazir áke balasyna telefon ustap,  ıyn oınaýdy úıretip otyr.
• Buryn as áke otyrmaı bastalmaıtyn, eshkim ákeniń qolynan buryn asqa qol sozbaıtyn. Al qazir árkim óz ýaqytynda tamaqtanady, biri jep, biri telefon shuqylap jatady,

dastarhannyń berekesi ketti.

• Buryn qyryqtaǵy ul da ákesiniń aldynda basyn ıetin. Alpysqa kelgende de, qatelesse, áke eskertý jasaıtyn. Al búginde on jastaǵy bala ákesin tyńdamaıdy.
• Buryn áke - shańyraqtyń tiregi, bıi, tóreshisi edi. Aıtqany oryndalatyn. Al qazir zań da joq, tártip te joq, qurmet te kemidi. Keı úılerde tizgin basqa qolǵa ótip ketken.

SOŃYNDA AITARYMYZ:

Nege burynǵy otbasylar berekeli boldy?

Nege syılastyq ta, uıat ta, tártip te bar edi?

Mektep az bolsa da, tárbıe myqty edi. Sebebi buryn

ákeniń orny bıik boldy. Áke — shańyraqtyń tiregi, tárbıeshisi, qorǵaýshysy, baqylaýshysy edi. Al búginde keı ákeler ýaqytyn telefonǵa, oıynǵa, bos sózge jumsap, úıindegi áıelin eleýsiz qaldyryp otyr. Qaraýsyz qalǵan áıeldiń jany jaralanady, al jaraly janǵa shaıtan jol tabady. Sóıtip, otbasy shaıqalady,  undylyq joǵalady, urpaq adasady.

«Alladan keldik, Allaǵa qaıtamyz».

Abdulakhad SMANOV