DINI ALAÝYZDYQTYŃ SEBEPTERI NEDE?

Suraq: Dinı alaýyzdyqtyń sebepteri nede?

Jaýap: Dástúrli din turaqtylyq pen beıbitshilikke úndeıdi. Adam dindi durys paıymdamaı jalǵan sheıh, pir-ustazdarǵa eliktep túrli jaǵdaılarǵa kez bolady. Munyń saldary dinı turaqsyzdyqqa soqtyrady. Dinı alaýyzdyqqa soqtyratyn birneshe sebepti ataýǵa bolady: Dinı fanatızm: adamdar óz dinı ustanymyn shynaıy shyndyq dep qabyldap, ózge senimdegiler adasýda, haq jolda emes dep tózimsizdik tanytyp jatady. Dinı saýatsyzdyq: adam óz dininiń negizderin túsinbegendikten dástúrli dinı tanymdardy qabyldaýda nemquraılyq tanytady. Dindi saýatsyzdyq, nadandyqpen túsinip alaýyzdyq kózqarasqa boı aldyrady.

Saıasat pen bılik máselesi: Óz dinı múddesi negizinde saıasat, bıliktiń jumysyn synap sharıǵat prıntsıpterine qaıshy dep, túrli dinı termınderdi qoldanyp jaǵymsyz kózqarastaryn bildiredi. Salt-dástúr, mádenıet máselesi: Din men salt-dástúrdi sabaqtastyra almaı salt, dástúr, mádenıet dinge jat dep, salt-dástúrden bezdiredi. Áleýmettik jelilerdegi aqparattar: Ádilettilik, aqıqat, teńdik, haq jol degen urandarmen jalǵan ýaǵyzshylar, dinı toptar túrli aqparattar arqyly adamdardyń dinı sanasyn ýýlap alaýyzdyqqa shaqyrady. Din ustanýda sergek bolyp, saýattylyqty arttyryp taǵattylyqty qalyptastyrý qajet. Alla Taǵala búlik pen iritki salýǵa qatań tyıym salady. Quran aıattarynda: «Búlik shyǵarý adam óltirýden de aýyr (kúná)», «Alla búlik shyǵarýshylardy súımeıdi» degen.

Ikram AITAEV
 Kazislam.kz