EŃ MAŃYZDY...
Ylǵı bárin bilgisi kelip júretin jas hanzada "Taý jaqta bir qarapaıym qarııa bar, bar suraqtyń jaýabyn biletin"degendi estip at terletip barǵan eken.
Barsa qarııa egin egetin atyz qazyp jatyr eken, atynan túse sala aqsaqalmen amandasyp jiberip úsh suraq qoıypty.
"Jer betindegi eń basty adam kim?"
"Ómirde eń mańyzdy is qandaı?"
"Basqalaryna qaraǵanda eń mańyzdy kún qaısy?" degen.
Qarııa jaýap bermesten óz isimen aınalysyp, aryǵyn qaza beredi.
Jas jigitte jaýap kútpesten qasyna kelip kómektesýge kirisip ketti.
Qansha kómekteskenin kim bilsin, biraq kenetten qastarynan beti aýzy qan qan jaraly bireý ótip bara jatqanyn kórgen jas hanzada, qazyp jatqan jumysyn tastaı sala soǵan kómektesti.
Beti aýzyn sýmen jýyp, jaraqattaryn tańyp bergen soń qarııanyń lashyǵyna demalýǵa alyp ketti.
Tańerteńgisin qarııa qazylǵan atyzǵa dán seýip jatyr eken, qasyna jaqyndap kelgen hanzada
—Aqsaqal, siz meniń suraqtaryma jaýap bermedińiz — dedi, daýysynan renish syzy sezilip.
—Sen óz suraqtaryńa óziń jaýap berip tastadyń emespe?— dep synaı qarady qarııa.
—Qalaısha? Túsindirip aıtyńyzshy— dep tańdanys bildirdi jas jigit.
—Birinshisi, sen kelgen boıda meniń jumys jasap jatqanymdy, qarttyǵym men álsizdigimdi kórdiń de maǵan kómekke umtyldyń.
Sol sátte sen úshin eń basty adam men boldym, al maǵan kómek berý sen úshin eń mańyzdy is boldy.
Al jaraly adamdy kórgenińde, sen úshin eń basty adamǵa sol aınaldy, oǵan kómektesý eń mańyzdy is boldy.
Iaǵnı, eń basty adam, ol seniń kómegińe zárý adam, al eń mańyzdy is ol sen jasaǵan qaıyrymdylyq—degen kezde,
Jas hanzada:
—Men ózimniń úshinshi suraǵyma da jaýap taptym, eń mańyzdy kún ol búgingi kún.
Bireýge kómektesip, bireýge qaıyrym tıgen kúnim eń mańyzdy kúnim —degen eken.
Kómekke zárý jandy qarjylaı qaryq qylyp tastamasaqta, qoltyǵynan súıep, jyly sózben demeı bilemizbe aǵaıyn?
Eń mańyzdy kúnimiz, ıaǵnı búgingi kúnderimiz qalaı ótýde....
M. Kenjebaev. Beıneý.
