ER-ELDIŃ QORǴANY
El bıligin ustaǵandardyń kóbi – er azamattar.
-Mınıstr de, ákim de – kóbine erkek.
-Esirtkige salynǵan da, ony taratqan da – kóbine erkek kindiktiler.
-Ar-namysqa tııý, ádepsiz qylyqtardyń basym bóligi er adamdardan shyǵady.
-Qyz bala uıatsyz kıinip júrse, onyń túbinde tárbıe bermegen áke, qadaǵalamaǵan aǵa, jaýapkershilik almaǵan erkek turady.
-Qylmystyń deni – erkektiń qolymen jasalady.
-Ata-ananyń qadirin bilmeý de kóbine er azamattardan tabylady.
-Otbasyndaǵy zorlyq-zombylyqty bastaýshylardyń aldy da – erler.
-Memleket ishindegi bylyq pen paraqorlyqtyń tizginin ustap otyrǵan da – erkekter.
-Ajyrasýdyń kóbi erkektiń nıetinen týyndaıdy.
-Aǵaıyn arasyndaǵy muraǵa talas, enshini jeý de kóbine erlerdiń isi.
+ Bul jerde áıeldi aqtap otyrǵan joqpyz. Áıeldiń de óz jaýapkershiligi bar. Biraq búgingi qoǵamdaǵy ardyń azýy, ımannyń álsireýi, ishimdik, nashaqorlyq, qylmys, qantógis, ádepsizdik pen jemqorlyqtyń basynda kóbine er azamattardyń ózderi tur.
+ Qazaqta «Er – eldiń qorǵany» degen sóz bar. Er túzelmeı, el túzelmeıdi. Kóshti bastaıtyn kósem adassa, sońynan ergen jurt ta joldan shyǵady.
+ Qazirgi qoǵamda áıeldiń de buzylyp bara jatqany ras. Biraq onyń túp-tórkini de – erkektiń álsizdiginen: tárbıeleıtin áke joq, jón silteıtin aǵa joq, qorǵaıtyn, qyzǵanatyn jar joq. Sonyń saldarynan áıel óz bolmysynan alystap barady.
+ Sondyqtan, eń aldymen, erkek óz-ózine qoja bolsyn. Otbasyna ıe bolsyn. Áıelin de, balasyn da jaýapkershilikpen tárbıelesin. Aqylǵa keleıik, oılanaıyq. Áıtpese qoǵamymyz úlken rýhanı quldyraýǵa bet alyp barady.
