Erkektiń mahabbaty asqazanynda...

24 shіlde 2019 8220 0
Оqý rejımi

Qazirgi zamannyń keıbir áıelderi kóshege shyǵardan kem degende bir saǵat buryn jýynyp-shaıynyp, betin árlep, shashyn sándep álek bolady. Óziniń tazalyǵyna tamsanyp, ústine sepken átiriniń hosh ıisin ıiskep lázzat alyp, kóshege erekshe kóńil-kúımen shyǵady. Kópshiligi jumysqa barady.

Kesh bolady. Jumystan qaıtatyn ýaqyt keledi. Jumystan úıge keledi. Sonda álginde aıtqan áıelderdiń túrin kórseńiz: boıaýdyń bári súrtilgen, kıimi de sándi emes tútilgen, qaraǵannyń kóńil-kúıin áp-sátte túsirip jiberetin túr jasap turady. Ózi sharshańqy, shashy uıpa-tuıpa, túrinen túnimen uıyqtamaǵan adamdy kóresiń.

Ózińiz aıtyńyzshy, qandaı erkek osyndaı kórinistiń bolǵanyn qalaıdy? Ol da kóshede qyzdaı kelinshekterge kózi túsken shyǵar. Úıde sizdi muzdaı kúıde kórgende qandaı áserde bolady?

Sol kósheniń hanshaıymdary úıge kelse kúlbıkeshke aınalady. Eski kóılek kıe salǵan. Tamaq istemegen. Balaǵa qaramaǵan. Osylaısha kúıeýin qarsy alady. Sóıtedi de:

«Qymbattym, keshirshi. Jumystan qazir ǵana keldim. Sharshap turmyn. Sháı-páı ishe salaıyqshy» degen sekildi sózder aıtady.

Iá, qazir kóptegen áıelder jumys isteıdi. Úıde otyratyndary az. Bul endi zaman talaby. Bireýdiń aılyǵy shaılyǵyna jetpeıdi. Sondyqtan, ekeýi de jumys isteıdi. Endi bireý dúnıesi jetip tursa da, ekeýlep jumys jasaıdy. Másele onda emes. Kóbinese úıde otyrǵan áıelderdiń de óz mindetin durys atqaryp jatqany shamaly.

Másele áıeldiń bir tirliginiń kemdiginde bolyp tur ǵoı. Jumystan kelgen erkektiń qarny ashyp keletini belgili. Sol kezde tamaǵyn daıyndap, jadyrap aldynan áıeli shyqsa, qandaı tamasha. Sháı-paı degen nárse adamnyń kóńilin de, qarnyn da toıdyrmaıdy. Abaısha aıtsaq, maıly as jemeı asqazan jubana ma? Erkektiń mahabbaty asqazanynda ekenin bilseńiz ǵoı. Qarny toq bolsa, sizge degen kóńili de toq.

Ol úshin áıel kisilerge aıtarymyz, bir aılyq keshki tamaqtyń josparyn quryńyz. Bir kúni besbarmaq, kelesi kúni dámdi qaınatylǵan sorpa degen sekildi. Ári sol tamaqtarǵa kerekti azyqtardy aldyn ala qamdap júrińiz. Tamaq istegende de erekshe kóńilmen isteý kerek. Dámdi etýge tyrysý kerek. Tamaqtyń qaı-qaısysy bolsa da jaqsy, eger de dámdi ári ystyq bolsa. Osylaısha kúıeýińizdiń sizge ystyq yqylasyn ystyq tamaq arqyly da oıatýǵa bolady.

Memleket jáne qoǵam qaıratkeri Orazkúl Asanǵazyqyzynyń bir jıynda aıtqan mynadaı bir sózi bar edi. Ol kisi aıtady áıelderge: «Sizder tańerteń kúıeýlerińizden erte turyńyzdar. Ádemi kıinip, súıkimdi túrge enip, shaıyn daıyndap turyńyz. Kúıeýińizdi jumysqa kóterińki kóńil-kúımen shyǵaryp salyńyz. Sodan keıin onyń sizge degen kóńili qalaı sýysyn? Al, eger kúıeýińizben jarysyp tursańyz, sizdiń óńi qashqan túrińizdi kórgende, árıne kóshedegi ózgeniń áıeli oǵan ádemi kórinedi» dep edi. Óte durys aıtqan.

Áıel adam eriniń qas-qabaǵyna qaraı bilýi kerek. Áıel degen jumystan kelse de, úıde bolsa da ádemi kóılegin kıip, maıly da dámdi tamaǵyn daıyndap, kúıeýin joǵary deńgeıde qarsy alýy tıis. Bala-shaǵany jýyndyryp, kıindirip, úıdi jınap qoıyńyz. Kúıeýińiz úıge kelgende kózi jaınap ketsin.

Áıel adam óz mindetin durys atqarsa, er adam da óz mindetin durys oryndasa, baqytty januıaǵa aınalary sózsiz.

Tegter: erkek asqazan
Pіkіrler Kіrý