GÚLENShILER

Saıd Nursıdiń ıdeıalary negizinde áreket etetin gúlenshiler jamaǵaty, negizinde, «Hız­met» qozǵalysy dep atalady. «Hızmet» – túr­kııalyq jazýshy, din jáne qoǵam qaıratkeri Fethýlla Gúlenniń (1941 j.t.) ıdeıalary men baǵyt-baǵdar kórsetýiniń negizinde qurylǵan dinı-áleýmettik qozǵalys.

Hızmet qozǵalysy álemniń 140-nen astam elderinde óz bilim berý mekemelerin ornalas­tyrýǵa qol jetkizgen. Sondaı-aq olar medıa, emhana, qarjy salalaryna da jetkilikti ın­vestıtsııa jasaǵan. Sonymen qatar, Fethýlla Gúlenniń birsha­ma kitaptary qazaq jáne orys tilderine aýda­rylyp, halyq arasynda taratyldy. Otandyq ǵalymdardyń dinı taqyrypta jazǵan kitap­tary tapshy bolǵan kezde amalsyz Gúlenniń kitaptary da oqyldy.

Qozǵalys negizi «nurshylar» jamaǵatynan bastaý alǵandyqtan, negizgi áreket etý forma­sy men metodologııasy nurshylar jamaǵaty­na óte uqsas. Alaıda nurshylar jamaǵattary olardy ózderinen bólek ózge jamaǵat retinde qaraıdy. Túrkııada jáne álemniń barlyq memle­ketterinde óz múshelerinen shyqqan yqpaldy nemese daryndy tulǵalarǵa barynsha qoldaý kórsetýge tyrysady. Zaıyrly sıpattaǵy mektepter ashyp, sol mektepterde ózderiniń qyzyǵýshylyǵyna qaraı oqýshylar boıynda dinı túsinikterdiń qalyptasýyna kúsh salady. Mektep bitirip ketken túlekterimen júıeli túrde qarym-qatynas ornatyp, is-sharalar uıymdastyryp, túlekterdiń bir-birimen my­ǵym baılanysta bolýyna yqpal jasaıdy. Árbir aımaqtaǵy bilim berý ortalyqtarynyń artynda gúlenshiler ıdeologııasynyń tara­lýyna jaýapty ártúrli qorlar nemese fır­malar turady. Gúlenshiler toptyq uıymshyldyq túsinigin qalyptastyrady, ıaǵnı ár ortada óz jaqtasta­ryn izdeý, ózderinen emesterdi shettetý arqy­ly jamaǵat arasynda jikshildikke jol bas­taıdy. Degenmen memleket ishinde, áleýmettik toptarda, qoǵamdyq ortada óte muqııat jáne artyq áreketsiz, baısaldy jumys júrgizedi jáne ózderin qoǵam ókilderinen bóle-jaryp ustamaıdy.

Gúlenshiler ózderiniń maqsatyna tolyqtaı jetpeı turyp, shynaıy kelbetin ashpaıdy. Mysaly, musylmandyqty syrtqy kelbeti­men tanytýdy, naqtysy er adamnyń murtyn qysqartyp, saqal qoıǵanyna, áıel kisiniń oramal tartyp oranyp júrgenine asa mańyz bermeıdi. Tipti dinı termınderdi ashyq qol­danbaıdy, mysaly, dáretti «bılet», namazdy «ushý» sekildi basqa sózdermen aýystyryp aıtady. Bul jamaǵattyń yqpalyna kóbinese ulttyq-patrıottyq sanasy tómen jáne ult­tyq ıdentıfıkatsııasy qalyptaspaǵan adam­dar túsedi.

2016 jyly Túrkııa úkimeti gúlenshiler qozǵalysyn FETÖ terrorıstik uıymy dep jarııalady. Sonymen qatar Pákistan, Sol­tústik Kıpr, Parsy shyǵanaǵy elderi jáne Islam uıymy birlestiginde de gúlenshiler qozǵalysy «terrorıstik uıym» dep tanylǵan.

QMDB Dinı ońaltý bólimi