ILIM MÁRTEBESI MÁRTEBELERDIŃ EŃ ULYSY

17 qańtar 2024 867 0
Оqý rejımi

Paıǵambarymyz (s.a.ý.) bylaı deıdi: «Qyzǵanysh myna eki jerden basqa esh jerde jaıyz emes. Birinshisi; Alla Quran (ilimin) násip etip kúni-túni úzdiksiz ony oqyp, onymen amal etken kisi. Ekinshisi; Alla múlik berip, kúni-túni úzbeı bul múlikti (Alla jolynda) jumsaǵan kisi» («Sahıh Múslim»)

 Adamzatty qarańǵylyqtan nurǵa shyǵarý úshin jiberilgen Quran Kárimde «Alla» sózinen keıin eń kóp aıtylǵan sózderdiń biri ilim jáne ilim maǵynasyn beretin sózder ekendigi baıqalady. Uly Alla (maǵynasy): «Habıbim sen aıt! Esh bilgender men bilmegender teń bolama?» (Zúmár súresi, 9 aıat) dep ilim men ǵalymnyń joǵary dárejesin aıqyn baıandaǵan.

Paıǵambarymyz (s.a.ý.):

«Ǵalym bol nemese shákirt bol ne tyńdaýshy ıa bulardy jaqsy kórýshi bol. Besinshisi bolma! Áıtpese qurısyń» degen.

Abdýlla bın Múbárak (rah.) sadaqasyn, malynyń zeketin basqa eldi-mekenderge jiberetin. Muny aıyptaǵandarǵa bylaı dedi:

 «Ol jerlerde dinı ilimderdi úırenip jatqan shynshyl, abzal kisilerdi tanımyn. Adamdarǵa paıdaly bolý úshin óte jaqsy ilim úırendi. Tipti ilim olardyń kúnkórisin qamtamasyz etýine kedergi bolyp, muqtaj halge tústi. Eger biz olarǵa beı-jaı qarasaq, olarǵa zeket pen sadaqa bermesek úırengen ilimderi bosqa ketedi. Al biz olarǵa járdem etsek, muqtajyna jarasaq olar da Muhammed úmbetine ilim úıretip, dindi jaıady. 

Paıǵambarlardyń mártebesinen keıin Allanyń buıyrǵan ilimin úıretýden artyq mártebe bilmeımin»

 

Pіkіrler Kіrý