IMANNYŃ TÁTTILIGIN SEZINÝ
«Alla seniń aınalańdaǵy adamdardy birtindep alyp tastaı beredi, aqyrynda qasyńda Ózi ǵana qalǵansha.
Bul — súıiktisine qyzǵanyshpen qaraıtyn ǵashyq sekildi: júregińdi jaratylystan (adamdardan) bosatqanda ǵana, saǵan Ózimen qaýyshýǵa ruqsat beredi.» (Hazireti Rýmı q.s.)
Bul jerde Allanyń qulyn Ózine jaqyndatý joly beıneli tilmen aıtylǵan. Adam ómirinde keıde adamdar alystap ketedi, qarym-qatynastar úziledi, jalǵyzdyq sezimi paıda bolady. Bul jaı ǵana joǵaltý emes, rýhanı tazarý kezeńi retinde túsindiriledi.
- Adamdarǵa shekten tys baılanyp qalmaý.
Adam júregin adamdarǵa, dúnıege, ataqqa, sezimderge qatty baılap qoısa, Allamen baılanysy álsireıdi. Sondyqtan keıde Alla sol baılanystardy úzip, qulyn Ózine burady.
- Jalǵyzdyq – jaza emes, shaqyrý.
Mundaǵy jalǵyzdyq – tastap ketý emes, kerisinshe Allanyń «Maǵan kel» degen úndeýi. Bul kezeńde adam Allaǵa jaqynyraq bola alady.
- Allanyń «qyzǵanyshy» – meıirimniń belgisi. «Qyzǵanysh» sózi adamsha emes, beıneli maǵynada. Iaǵnı Alla qulynyń júreginde Ózinen basqaǵa táýeldilik bolǵanyn qalamaıdy. Júrek adamdarǵa emes, Allaǵa tolyq burylǵanda, adam ishki tynyshtyqqa, ımannyń táttiligin sezinýge jetedi.
