«IShTARLYQTAN ARYLYP EDIM…»

Ǵulama Asmaǵı (Alla ony raqymyna bólesin) bylaı dep áńgimeleıdi.

 «Birde saharada jasy júz jıyrmaǵa kelgen tyń bir aqsaqal bádáýıdi kórdim. Jasynyń ulǵaıǵandyǵy bir bólek, meni shıraqtyǵy tań qaldyrdy. Tańdanysymdy jasyra almaı mundaı shaqta qalaısha tyń júrgendigin suradym. Ol: «Ishtarlyqtan arylyp edim. Sonyń syıy retinde Qudaıdyń maǵan bergeni ǵoı», dep jaýap qatty».

Iá, shyndyǵynda ishtarlyq, kórealmaýshylyq degen rýhanı úlken dert, adam balasyna jaraspaıtyn tirlik. Mundaı teris ádet kezinde Ibilistiń Alla Taǵala meıiriminen qýylýyna ıtermeledi. Aqyrynda adamzatpen máńgi dushpan boldy. Ishtarlyq, kórealmaýshylyq, qyzǵanysh sezimi bar adam árdaıym mazasyzdyqqa urynyp, ózgelerdiń jetistigi men dúnıesin kórgen saıyn ómirden túńile beredi.

Mundaı adam Allanyń bergenine razy bolmaı, kúpirlikke urynary sózsiz. Islam dini adam balasyn bireýdiń qolyndaǵy múlikti qyzǵanýǵa emes, kerisinshe ózimizge ne tilesek ózgelerge sony tileýge shaqyrady. Al, bireýdiń qýanyshyna qýana almaıtyn adam shynaıy ımannyń dámin eshqashan tata almaıdy. Qudaıdyń bireýge bergen baǵyn qyzǵanýdan, kúndeýden aýlaq bolaıyq.

Daıyndaǵan –Turar TÚGELULY