KELINDERGE ULAǴAT

Úılený ońaı, árıne,

Úı bolyp ketý qıyn-dy.

Úılený, toı men saltanat,

Salt bop tur jasaý jıyndy.

«Balama baqyt ber dep shyn»,

Ata-ana talaı syıyndy.

Úmitin aqtaý eliniń,

Jaqsylarǵa buıyrdy.

Jaqsy bala bolady,

Halqynyń jasyl shynary.

Jaqsy kelin, jaqsy ul,

Alty alashtyń murady.

Otaý qurý kúrdeli,

Allanyń bul da synaǵy.

Aty ozǵan báıgeden,

Halyqtyń bolar tumary.

Qosylypty eki jas,

Tabylyp búgin syńary.

Búgingi bata senderdiń,

Jolyǵdy ashyp turady.

Ashyq bolsyn bul kúni,

Perishteniń qulaǵy.

Otaýlaryń bolsynshy,

Jaqsylardyń turaǵy.

Mahabbattyń móldirep,

Aǵyp tursyn bulaǵy.

Ǵasyr boıy shyrqalsyn,

Mahabbattyń urany.

Qos aqqýdaı qalyqtap,

Bolyńdar halyq qyrany.

Batasyn alsań úlkenniń,

Mereıiń ósip turady.

Han tústener úı bolsyn,

Jarqyrap janǵan shyraǵy!

 

Gaýhar ASQARQYZY