KEZ KELGEN JERGE BARǴANDA...
Kez kelgen memlekettik nemese jeke mekemege barǵan kezde, ne qonaq bolyp barǵanda, resmı kıim kııýge keńes beremin. Hosh ıis seýip, aıaq kıimińizdi jyltyratyp alyńyz. Adamdar sizdiń ishki dúnıeńizdi emes, eń aldymen syrt kelbetińizdi kóredi.
+ Basqalarmen sóıleskende aýzyńyzdaǵy saǵyzdy alyp tastańyz. Saǵyz shaınap turyp sóılesý — ádepsizdik pen qurmetsizdiktiń belgisi.
+ Áńgimelesý barysynda balaǵat sózderden aýlaq bolyńyz. Ar-namysqa tıetin, bireýdi jala jabatyn, marqumdardy jamandaıtyn nemese namysqa tıetin sózder aıtý — úlken ábestik.
+ Sóılesip turǵan kezde telefonyńyzdy shetke qoıyńyz, oǵan alańdamańyz. Áńgime ústinde telefon ustaý — qarsy tarapqa degen qurmettiń joqtyǵyn bildiredi.
+ Áńgimelesý barysynda shamadan tys qaljyńdap, qatty kúle bermeńiz. Jyly jymııý jetkilikti.
+ Ashýǵa ashýmen jaýap bermeńiz. Eger bireý sizdiń sózińizge nemese is-áreketińizge ashýlansa, jymıyp, keshirim surańyz. Eń bastysy — aman-esen úıińizge oralý. Adamdardyń ishinde qandaı ashý nemese jamandyq baryn bilmeısiz.
+ Tátti til — qıyndyqtardyń jarty sheshimi. Memlekettik mekemege barǵan kezde nemese jumys babymen sóıleskende sózińizge muqııat bolyńyz. Jaqsy sóz — isińizdi jeńildetip, sharýalaryńyzdy bitiretin mańyzdy qural.
+ Memlekettik mekemelerde janjal men tóbelesten aýlaq bolyńyz. Qyzmetkerlerge kúsh kórsetip, óktemdik tanytpańyz. Kóshede, mekemede, bazarda — qaı jerde bolsańyz da, ákeńizdiń aldynda qandaı ádepti bolsańyz, sondaı bolyńyz.
