«KIM JAQYN, NE QYMBAT, NE QIYN?»

03 qańtar 2024 1098 0
Оqý rejımi

 «KIM JAQYN, NE QYMBAT, NE QIYN?» degen suraqqa QAZYBEK BI asa tapqyrlyqpen bylaı jaýap bergen eken:

Tatý bolsa, aǵaıyn jaqyn,

Aqylshy bolsa, apaıyń jaqyn.

Baýyrmal bolsa, iniń jaqyn,

Aldyńa tartqan adal asyn –

Qımas jaqyn qaryndasyń.

Sybaılas bolsa, naǵashyń jaqyn,

Adal bolsa, dosyń jaqyn.

Jan serigiń jas kezińnen

Bárinen de áıeliń jaqyn.

Altyn uıań – Otan qymbat,

Qut-berekeń – atań qymbat.

Aımalaıtyn anań qymbat,

Asqar taýyń – ákeń qymbat.

Meıirimdi apań qymbat,

Týyp-ósken eliń qymbat.

Uıat penen ar qymbat,

Óziń súıgen jar qymbat.

Aradan shyqqan jaý qıyn,

Taýsylmaıtyn daý qıyn.

Shanyshqylaǵan sóz qıyn,

Jazylmasa dert qıyn,

Iske aspaǵan sert qıyn,

Aqylyńnan adasyp,

Óziń túsken órt qıyn!

 

Qazybek bıdiń sheshendik sózderi bata, tilek túrinde de keledi. Mysaly: 

Órkenim óssin deseń, kekshil bolma, kesepaty tıer elińe.

Elim óssin deseń, órshil bolma, óskenińdi óshiresiń.

Basyna is túsken paqyrǵa qastyq qylma, qaıǵysy kósher basyńa.

Búgin saǵy syndy dep, jaqynyńdy basynba!

 

QAZYBEK BIdiń sózderi maqal-mátelge de aınalyp ketken.

 Mysaly:

 «Bir qolyń urysshy bolsa, ekinshi qolyń arashashy bolsyn»,

 «Ashý – dushpan, aqyl – dos, aqylyńa aqyl qos»,

 «Jaýǵa silter qarýyńdy jaqynyńa silteme»

 

 

Pіkіrler Kіrý