KÓK PEN JERDIŃ JARATYLÝYNDAǴY SYR

29 aqpan 2024 561 0
Оqý rejımi

Baqara súresiniń 164-aıaty, Alla taǵalanyń bar ekenin, bir ekenin, qudireti men ulylyǵyn kórsetetin tańǵajaıyp jaratylysty adamzatqa ǵıbrat alý úshin usynýda:

Eı, adamdar! Kózderińdi ashyp, jaqsylap oılanyńdar. Esh kúmánsiz, jer men kóktiń jaratylysynda Allanyń bar ekenin kórsetetin úlken belgiler bar.

Ǵalamat úlken tireýsiz aspandy kórmeısińder me? Túrli-tústi jup-jumsaq kilemdeı jaıylǵan jer she? Kún men túnniń aýysýynda da kóptegen belgiler bar. Olar júıeli túrde biriniń artynan biri júredi. Jer betinde mundaı tártip pen júıe bolmasa, ómir súrý múmkin bolar ma edi?

Adamdarǵa paıdaly nárseler men teńizde júzip júrgen kemelerde Allanyń meıirimniń úlkendigine netken kóp belgiler bar deseńizshi. Eger Alla taǵala adamdarǵa aýa men sýdy jáne basqa da kúshterdi qyzmetshi qylmasa, olar kemeler arqyly kóptegen Ekonomıkalyq jáne áleýmettik ıgilikterge qol jetkize alar ma edi? Ushaqtardyń da adamdarǵa qyzmeti osy maqsatta emes pe?

Alla taǵalanyń kókten qabat-qabat túsirip, keıin jerdi qaıta túletetin jańbyrda da Onyń qudiretine úlken dálelder bar. Qys kelgende jer beti túrli-tústi ósimdikterden, ádemi gúlderinen aıyrylady. Quddy bir ómirmen qosh aıtysqandaı kúı keshedi. Biraq keıin kóktem kelip, jańbyr jaýyp, jer betine qaıtadan qulpyryp, gúldenip ketedi.

Alla taǵalanyń jan-janýarlar men basqa da tirshilik ıelerin jaratyp, kóbeıtýinde de kóptegen hıkmetter men ǵıbrattar bar.

Endeshe, adam balasy Alla taǵalanyń bar ekenin, jalǵyz ekenin, qudiretiniń kemeldigin moıyndap, Oǵan quldyq paryzyn qaltyqsyz oryndaýy ár musylmanǵa jarasar is bolsa kerek.

 

Pіkіrler Kіrý