KÓZQAMAN
Alashtyń abyzy, marqum Rahmanqul Berdibaı: «Qazaqqa máńgúrtterden qaraǵanda, kózaqamandardyń tıgizetin qaýip-qateri zor» dep, kúıinip otyrýshy edi.
«Máńgúrt» dep - aqyl-esi aýysqan delqulyny aıtsaq, #kózqaman» dep – óte daryndy, árbir istiń qybyn biletin aılaker, zamanyna saı asqan qabiletti bola-tura, qara basynyń qamy úshin syrt kúshtermen aýyz jalasyp, óziniń talantyn ult múddesine qarsy paıdalanatyn kisápirdi aıtamyz.
Arǵy-bergi tarıhymyzda Alash balasy shynynda da, aqyl-esi aýysqan esalań máńgúrtterden qaraǵanda, opasyz kózqamandardan kóbirek zardap shekti. Tipti, qazaqtyń basyna quldyq qamyt osy kózqamandardyń «eren erlikteriniń» arqasynda kıgizildi.
Oǵan júzdep, myńdap mysaldatýǵa bolady.
Já, tarıhty qoıa turaıyq...
Qazaq qoǵamynda búgingi kúni de syrtqy kúshterge qyzmet etetin daryndy kózqamandar jeterlik.
Ásirese, din salasynda syrtqy dinı ıdeologııanyń jemtigine aınalǵan, asqan jymysqy áreketterimen ult múddesin aıaqqa taptaıtyn, aınalasyndaǵy jurtty ádemi sózderimen azǵyryp-arbaıtyn – kesheler men kózqamandardan aıaq súrinedi. Olardyń keıbiriniń kisápirligin betine bassań, dindi qalqan qylyp, shyj-byj ete qalady...
Biraq, óziniń kim ekenin sezdirip qoıatyn mundaı kándenderi emes, dymyn ishine búgip, qolaıly sátin kútip júrgen qý túlkileri asa qaýipti. Kándeni kim, qý túlki qaısysy?
Bir ókinishtisi - kózi ashyq jámıǵat bolmasa, bylaıǵy jurt ony baıqaı bermeıdi...
PS "Kózqamandar" bilim salasynda da jetkilikti...
Ishinde de, aınalasyndaǵy qurylymdarda da..
