KÚNÁ JÚREKTI QARAITADY

15 qańtar 2024 976 0
Оqý rejımi

Paıǵambarymyz (s.a.ý.) bylaı deıdi: “Musylman balasy áldebir kúná jasaǵanda júregine qara daq paıda bolady. Táýbe men keshirim júrekti tazartady. Eger kúná jasaýyn jalǵastyra berse, júrektegi kúnádan túsken daq kóbeıedi, sóıtip ol búkil júrekti qaptaıdy. Al bul daq Mýtaffıfın súresiniń 14-shi aıatynda : “Joq! Áste, olaı emes! Olardyń óz qoldarymen istegen kúnálary júrekterin ábden qaraıtyp, totyqtyryp tastaǵan” dep baıandalatyn tat.

Kúná isteýin toqtatpaǵan pendeniń júregi mórlenedi jáne ol ǵapyldar qataryna qosylady. Alla Taǵalanyń keshirimine (báribir Alla keshiredi ǵoı dep) ıek artyp, bir jaǵynan kúná jasaýdan tyıylmaý Allanyń azabyna boıusyný bolmaq. Muny tek ǵapyldyq pen nadandyqta qalyp, zııanǵa ushyraǵandar ǵana jasaıdy.

Tabıǵınnen úlken tápsirshi Mújahıd (rah.) qolyn júrek tusyna qoıyp, “Bireý kúná jasaǵan kezde júregine bir túıin túsedi” dedi de bir saýsaǵyn jumdy. Kinshi ret kúná jasaǵanda eki túıin túsedi dedi jáne ekinshi saýsaǵyn búkti... Saýsaqtaryn túgel jumdy jáne besinshi ret kúná jasaǵan kezde “Mine, ol kezde onyń júregi mórlenedi” degen. Sonan soń “Kim óziniń júreginiń osylaı mórlenbegenine senimdi bola alady?” degen.

Hadısshi ǵalym Muhammed ıbn Ýası (rah.) bylaı deıdi: “Kúná jasaýdy toqtatpaý júrekti óltiredi”.

Hasan Basrı (rah.) “Salıh amal jasaý júrekte nur bolady jáne tánge qýat beredi. Al kúná jasaý júrekte zulymdyqqa jáne tánde álsizdikke sebep bolady” degen.

Mynadaı sóz bar: “Bireý eshkim kórmeıtin bir jerde kúná jasasa, sosyn joldastarynyń janyna kelse, ol dostary istegen kúnásynyń izin (sol kúnányń zulymdyǵyn) onyń boıynan, júzinen kóredi”.

Pende retinde adamnyń kúnásy, qate-kemshiligi bolýy múmkin. Tek sony bilsin deńiz, sóıtip oǵan ókinip, táýbe etsin, Alla Taǵaladan keshirim surap jalbarynsyn. Haq Taǵala bolsa – Ǵafýr, Rahım. Táýbe etken quldaryn jaqsy kóredi, olardy keshiredi. Eshqashan úmitsizdikke urynbaý kerek, tezirek táýbe etip, keshirim tileýge tıis.

Pіkіrler Kіrý