MAHABBATTAN ASQAN DIN JOQ...
Birde rýhanı ustaz shákirtterimen birge bir aýylǵa keledi. Ustaz da, odan úlgi alǵan shákirtteri de oraza bolatyn.
Olar bir qarapaıym sharýanyń úıine kelip túsedi, úı ıesi shyn yqylasymen, bar júregimen olarǵa as qamdaýǵa kirisedi. Tamaq dastarhanǵa tartylǵan kezde, rýhanı ustaz úndemesten baryp dastarhanǵa otyrdy, biraq shákirtteri aýyz bekitip duǵa jasap qoıǵanbyz dep dastarhanǵa jaqyndamady. Biraq olar, rýhanııatpen aınalysatyn adamdar sekildi ol jaıly eshkimge eshteńe demedi.
Al tańerteń shákirtterimen birge aýyz bekitken rýhanı ustaz jóninde olar: “Ol aýyz bekitkenin umytyp ketken bolar”,-dep oılady. Ustazdar keıde múlde umytshaq bolady! Tamaq iship bolǵan soń barlyǵy tysqa shyqty.
“Siz aýyz bekitkenińizdi umytyp kettińiz-aý deımin?”-dedi shákirtteri ustazyna.
“Joq, umytqan joqpyn, biraq biz úshin qazan kótergen ana kisiniń kóńilin qaldyrmaý úshin aýzymdy ashyp jiberdim,”-dedi ustazy.
Kúndelikti súrip jatqan ómirimizde biz sol ómirdiń myń túrli usaq-túıekterine mán bere bersek qoı, keıde sondaı nárselerge mán bermegendikten, adamdarǵa qanshama jaqsylyq jasaýdan ada qalamyz!
Ómirdiń árbir sátinde aınalamyzdaǵy adamdardyń qajettilikterine jaqsylyqta da, qıyn sátterde de, kez-kelgen jaǵdaıda sezimtal bolsaq qoı. Negizi bul qıyn emes, azdap oılansaq boldy. Negizi adam jaqsy bolýy múmkin, biraq keıde kóp nárseni usaq-túıek dep elemeı jatady.
Mahabbattan asqan din joq.
Qudaı degen mahabbat.
Mahabbattyń eń jaqsy túri - kúndelikti aralasyp júrgen adamdardyń sezimderi jaıly qam jeýde.
Házireti Inaıat Han
aýdarǵan Júrsin Kárim
