MÁShHÚR JÚSIP AITYPTY...

Jigitti kedeılikke aparatyn úsh tamyr: jelkedegi qyrsyqtyq, shyntaqtaǵy maýbastyq, quıryqtaǵy jalqaýlyq tamyrlary.

***

Jer jutýǵa toımaıdy, ot otynǵa toımaıdy. Kisi oıǵa toımaıdy, bóri qoıǵa toımaıdy. Qulaq estýge toımaıdy, kóz qaraýǵa toımaıdy. Ǵalym ǵylymǵa toımaıdy, jer sýǵa toımaıdy. Ólik duǵaǵa toımaıdy, tiri iske toımaıdy.

***

Aqymaqtyń tizgini – qulaǵy! Aqyldynyń tizgini – kóńili. Aqymaq ne nárseni estise, estigenine qanaǵat qylady. Qatyqtaı qatyp, sútteı uıyp júre beredi. Aqyldy ne nárseni estise, estýine qanaǵat qylmaıdy, aqylyna salyp, kóńiliniń daýalaýyna toqtaıdy.

***

Ury qartaısa sopy bolady,

Búrkit qartaısa tyshqanshyl bolady,

Shal qartaısa jasyndaǵy kórgen-bilgenin bylshyldap

ertekshil bolady.