Meniń meshitim

Árbir adam óz qalasynda,aýylynda, kóshesinde ornalasqan meshitti «meniń meshitim» dep sezinýdiń birden-bir joly – jylyna bir kúndi elimiz boıynsha «Meniń meshitim» kúni dep qoıý dep oılaımyn. Aıtalyq, orazaǵa on kún qalǵandaǵy aptanyń sońǵy - demalys kúnin.

Bul kúnnen maqsat - sol kúni meshitke jaqyn ornalasqan úılerdiń ata-analary , balalary bolyp meshitke baryp, bir kúnin arnap tazalyq jasap, meshitpen tanysyp qaıtý.

Máselen, er adamdar syrtqy jumystaryn jasap, al áıel adamdar ishki jumystaryn jasap: árlep, kilem tazalap t.b isterge qolyn tıgizý.

Al, osy amaldyń qanshalyqty saýap ekenin Paıǵambarymyz (s.ǵ.s) meshitti tazalap júrgen Úmmúlmıxjan (r.a) degen áıeldiń mártebesi týraly aıtqan xadısinen bilemiz. Ol qara násildi áıel únemi meshitti tazalap júretin. Bir kúni qaıtys bolǵanda, saxabalar Paıǵambarymyzdy (s.ǵ.s) mazalamaı, ózderi janazasyn shyǵaryp, jerlep qoıǵan edi. Erteńgi kúni ol áıel jaıynda Rasýlalla (s.ǵ.s) bilgende: «Maǵan qabirin kórsetińizder», – dep, baryp syrtynan janazasyn oqyǵan jáne osy arqyly meshitti tazalaýdyń qadirin bildirgen.Rasynda, meshitti tazalaý arqyly musylman adam qanshalyqty kúnási tógilip jatqanyn bilse, jarysar edi ǵoı?

Bul shara, birinshiden, adamdarǵa meshitti óziniki retinde sezinip, qamqor bolýǵa úıretedi.

Ekinshiden, kópshilikte, ásirese jas urpaqta din týraly, meshit týraly túsinik qalyptasady.Ol úshin meshitte tazalyqtan keıin, dinimiz týraly, dinimizdegi meshittiń mańyzdylyǵy jaıly aqparattyq-tanymdyq sharalar uıymdastyrylsa.

Úshinshiden, meshit jamaǵaty jáne kórshileri arasynda baýyrmashyldyq sezimi qalyptasýǵa sebep bolady.

Tórtinshiden tazalyqtyń syrtynda, qajet bolǵan jaǵdaıda dáýletti adamdar, qarapaıym xalyq saýapty amal jasap, meshitti jóndeýge, basqa sharalaryna da sol kúni qarjylaı da kómektese alady.

Qýat Qabdolda

Besinshiden jáne eń mańyzdysy adamdardy ımandyqqa, adamgershilikke baǵyttaýdyń birden - bir joly bolar edi.

Jaratqan Iemiz jar bolyp, jaqsy amaldar kóp jasaýymyzdy násip etsin!