MUSYLMANNYŃ ÓMIRLIK EREJELERINIŃ BIR PARASY

16 sáýіr 2024 590 0
Оqý rejımi

*. Ǵalym kisilerden tikeleı sabaq alý nemese olardyń kitaptaryn oqý arqyly óz qajetińiz ben shama-sharqyńyzǵa qaraı bilim alyńyz.

*. Boıyńyzdy kúnádan aýlaq ustańyz.

*. Eger qandaı da bir kúná jasaǵan bolsańyz, lajy barynsha tezirek táýbe etińiz.

*. Eshkimniń jeke basynyń quqyna bas suqpańyz. Ózgege sózińizben de, isińizben de zııanyńyzdy tıgizbeı, eshkimdi de balaǵattap, artynan ǵaıbat sóz aıtpańyz.

*. Baılyq pen ataq,  dańq,  mansapqa áýes bolmańyz. Ásilinde, ózgeniń erekshe kóńili aýatyn tamaq ne kıimdi satyp alýdan tyıylyńyz.

*. Eger kimde-kim sizdiń qateligińizdi betińizge basyp, syn aıtar bolsa, aqtalýǵa asyqpańyz. Kerisinshe, qateleskendigińizdi moıyndap, táýbege kelińiz.

*. Asa qajettilik týmaǵan jaǵdaıda, bekerge qydyryp, saıahat qýmańyz. Jolda júrgen adamnyń áreketteri oılanbastan, asyǵys jasalatynyn eskersek, bul onyń jaqsy amaldar jasaýdy umytyp, Allany tıisinshe eske almaı, zikiriniń tilden túsýine nemese keı amaldardy ýaqytyly oryndamaýyna sebep bolady.

*. Kóp kúlmeńiz jáne kópsózdilikti de kemitińiz. Ásirese, ózińizge mahram bolyp sanalmaıtyn jat adamdarmen tym jaqyn tartyp sóılesýden tartynyp, ádepten tys áńgimelerdiń aıtylmaýyna kóńil bólińiz.

*. Ózgelerdiń urys-kerisi jaıynda eshkimge tis jaryp, aıtpańyz.

*. Qandaı amal-áreketke barsańyz da, sharıǵat úkiminen ári aspaý kerektigin este ustańyz.

*. Qulshylyqta jalqaýlyqqa jol bermeńiz.

*. Ýaqytyńyzdyń kóp bóligin ońashada ótkizińiz.

*. Ózge adamdarmen kezdesip, tildeskende qarapaıymdylyǵyńyzdan taımańyz.

*. Dini joq nemese dini durys emes adamdarmen aralaspańyz.

*. Ózge adamnyń boıynan qate-kemshilik izdeýden aýlaq bolyńyz. Olar jaıly jaman oıǵa berilmeı, kerisinshe óz qateńizge kóbirek kóńil bólip, túzetýge tyrysyńyz.

*. Bes ýaqyt namazyńyzǵa qatty kóńil bólip, árbiriniń óz ýaqytynda jáne yqylaspen oqylýyna mán berińiz.

*. Árqashan Allany ulyqtap, zikir aıtyp júrińiz: júregińizben de, tilińizben de. Bul isińizde selqostyq pen beıjaılyq tanytpańyz

*. Eger Allaǵa maqtaý aıtqan kezde kóńilińiz jaı taýyp, júzińizge úlki, qýanysh úıirilse, osy úshin Allaǵa alǵysyńyzdy bildirińiz.

*. Baıyppen, baıaý jáne aqyryn sóıleı bilińiz.

*. Ár isińizge naqty ýaqyt bólip, kúnińizdi sol qurǵan kesteńizge saı ótkizýge kúsh salyńyz.

*. Bastan keshken ár qıyndyǵyńyz ben kóńilge qaıaý túsirgen qaıǵy ne ókpe-renish bolsyn, bári de Alladan ekenin oılańyz. Qaıǵyrmańyz, esesine sabyrlyq tanytqan ár synaǵyńyz úshin úlken syı beriletinin bilińiz.

*. Bar oıyńyzdy dúnıaýı tirlikke arnap, shyǵyn men kiristiń ǵana qamymen júrmeı, Allany eske alyp, Allanyń qudireti jaıly oılap júrińiz.

*. Ózgelerge qoldan kelgenshe kómek berip, dininde de, dúnıaýı tirlikterinde de járdemshi bolyńyz.

*. Tamaqty óte az ishýdiń saldarynan  aýrýshań bolyp, syrqattanyp qalmańyz. Alaıda, asty bereketsiz kóp  ishýden de aýlaq bolyńyz. Sebebi qarny toqtyq jalqaýlyqqa alyp keledi de, qulshylyqqa qulqyńyz bolmaıdy.

*. Alladan ózge eshkimnen keregińizdi suramańyz. Alladan basqa bireýden áldene alyp, paıda tabam dep oılamańyz.

*. Allany taný jolynda toqtap qalmańyz.

*. Allanyń ár bergen rızyǵy úshin rahmet aıtyńyz. Onyń úlken ne kishi bolýy mańyzdy emes, báribir de shúkir etińiz. Kedeıshilik pen muqtajdyq eńsesińizdi túsirmesin.

*. Óz qamqorlyǵyńyzdaǵy jandardyń da qate-kemshilikterine saq bolyńyz. Syrttaı baqylap, endi mundaı áreketti jasamaýyn qadaǵalaı bilińiz.

*. Eger áldebir adamnyń kúnási jaıly estiseńiz, ony jurtqa jaımańyz. Alaıda, qandaı da bir adam ózge bireýge kesirin tıgizbek bolyp, siz bul jaıly bilgen bolsańyz, álgi adamǵa erterek eskertip, aldyn alyńyz.

*. Qonaqqa, jolaýshy músápir janǵa jáne beıtanys adamdarǵa, sonymen qatar ǵulamalar men Allanyń ózge quldaryna qyzmet qylyńyz.

*. Týrashyl, shynshyl adamdarmen aralasyńyz.

*. Alladan únemi qorqyńyz.

*. Ólimdi eske alyp júrińiz.

*. Kúndelikti ózińizden esep alýdy úırenip, jasaǵan barlyq amal, is-áreketterińizdi tarazylap turýǵa ýaqyt bólińiz. Jasaǵan jaqsy amaldaryńyz eske túskende, Allaǵa madaq aıtyp, alǵysyńyzdy bildirińiz. Al kúnáli isińizben kúpti bolǵan kezińizdi oıǵa alǵanda, Alladan ıstıǵfar tileńiz, keshirýin surańyz.

*. Eshqashan jalǵan sóılemeńiz, ótirik aıtpańyz.

*. Sharıǵatqa qarsy qandaı da bir is-áreket jasalatyn jıyndar men ortadan jyraqta júrińiz.

*. Qarapaıymdylyq qasıetińiz ben uıatqa úlken mán berińiz, qandaı jaǵdaı bolmasyn shydamdylyq pen sabyrlyq tanytýǵa tyrysyńyz.

*. «Meniń mynadaı jaqsy da jaǵymdy tustarym, qabiletterim bar» degen maqtaý sózderge qur beker aldanbańyz.

*. Alladan árqashan jolyńyzdy ońǵarýyn tilep, shyn júrekpen duǵa etińiz.

 

Pіkіrler Kіrý