NURShYLAR

Bul jamaǵat Túrkııanyń shyǵys Anadoly­daǵy Nurs taýly aýylynda dúnıege kelgen Myrzauly Saıd Nursı (1873-1960) atymen «nurshylar» dep atalady.

Saıd Nursı on segiz jasynan dinmen qosa zaıyrly ǵylymdardy qatar oqydy, sosyn 15 jyldaı muǵalim bolyp qyzmet etti. Ol óziniń ateızm yqpalynan musylmandardy arashalaý maqsatynda «Rısalá-ı Nur» kitapshalaryn jazyp shyǵara bastady. Saıd Nursıdiń eń­bekterin baǵalaǵan kópshilik ony «Badıýz-za­man» (Zamannyń ǵajaıyp adamy) dep atady.

«Nurshylar» Saıd Nursıdiń ǵana «Rısale­-ı nur» kitabynda jazǵan tápsiri durys, bas­qa tápsirler qazirgi zamanǵa saı emes degen pikirdi ustanady. Jamaǵattyń keıbir radıkal pikirdegi jaqtastary «Saıd Nursı – Mahdı, ol bolashaqta tirilip shyǵady», dep senedi. Búginde Túrkııa úkimeti onyń eńbekterin mem­leket qorǵaýyna alǵan. Biraq tek rýhanııat turǵysynan ǵana nasıhattalady. Dinı turǵy­dan memlekettik mekemelerde oqytylmaıdy.

Olar ózderin saıasattan alshaqpyz dep aıt­qanymen, kóptegen ókilderi saıasatpen tike­leı aınalysady. Memleket ishinde, áleýmet­tik toptarda, qoǵamdyq ortada óte muqııat jáne artyq áreketsiz, baısaldy jumys júr­gizedi jáne ózderin qoǵam ókilderinen bóle- jaryp ustamaıdy.

«Nurshylar» jamaǵaty ishinara birneshe tarmaqtarǵa bólingen. Olar: 1) «Ienı asııa» gazetin shyǵaratyn, kóbinese ıntellektýaldy adamdardan quralǵan «Ienı asııa» jamaǵaty; 2) «Rısale-ı Nur» kitabyn bastyrý, taratý, nasıhattaý baǵytyn ustanǵan «ıazyjylar» (jazýshylar) toby; 3) «Rısale-ı Nur» kita­byn dinı qaınar kóz retinde oqıtyn «okýıý­jylar» (oqýshylar) jamaǵaty jáne t.b..

Bul jamaǵat elimizge 1992 jyldan beri kele bastaǵan. Olar arnaıy jaldap alynǵan úılerde jıylyp ýaǵyzdaryn júrgizip oty­rady. «Nurshylardyń» basym bóligin jastar quraıdy. Kóp jaǵdaıda jaqtastaryn tegin ta­maq, jataqhana sekildi materıaldyq ıgilikter arqyly óz qatarlaryna tartady. Qazaqstan­dyq «nurshylar» Saıd Nursıdyń eńbekterin aýdaryp, halyqqa nasıhattaýdy ózderiniń eń basty maqsaty dep sanaıdy.

Reseı jáne Ózbekstan memleketterinde «nurshylar» qozǵalysy Ekstremıstik dep ta­nylyp, el aýmaǵynda jumys jasaýyna zań­men tyıym salynǵan.

QMDB Dinı ońaltý bólimi