Otaǵasyn razy etetin 6 jol

09 qańtar 2019 1417 0
Оqý rejımi

1. Qurmet.

Bárinen buryn, árbir er kisi áıeliniń qurmettegenin qalaıdy. Qurmet kórsetý ony tyńdaýda, naqty bir mánermen sóıleýde jáne daýlasýdan aýlaq bolýda kórinedi. Sonda sizdiń qurmetińizdi sezingen kúıeýińiz sizge eki ese qurmet kórsetetin bolady.

2. Baǵalaý.

Erińizdiń barlyq qyryn baǵalańyz. Onyń kelbetin, aqylyn, qabilettiligin aıtyp maqtap, tánti bolyp júrińiz. Sizdiń qasyńyzda ol ózin erekshe jaralǵan adamdaı sezinsin. Sonda otaǵasy sizge bar jylýyn tógip, asa baǵalaıtyn bolady.

3. Razy bolý.

Kúıeýińizdiń siz úshin, otbasy úshin jasap jatqan kúndelikti jumystaryna rızashylyǵyńyzdy bildirip otyryńyz. Onyń ynta-yjdahatyn, otbasyna degen qamqorlyǵyn árdaıym baǵalaıtynyńyzdy bildirip, rızashylyǵyńyzdy kórsetińiz. Sonda erińiz sizdiń demeýińizdi sezinip, arqalana áreket etetin bolady. Sáıkesinshe isi berekeli, tirligi tabysty bolady. Árbil uly erkektiń artynda uly áıeldiń turatynyn umytpańyz.  

4. Súıispenshilik.

Kúıeýińizge ony qanshalyqty jaqsy kóretindigińizdi kórsetip otyryńyz. Áıel adamǵa súıispenshilikti seziný qandaı mańyzdy bolsa, er adam úshin de asa mańyzdy.

5. Boıusyný.

Alla Taǵala basqalarǵa qaraǵanda Óziniń jaratqandaryn jaqsy biledi. Alla bizdi ártúrli etip jaratty ári erkek pen áıeldiń baqyty úshin neniń qajet ekenin Ol jaqsy biledi. Alla Taǵala erkekti otbasynyń basshysy etti, al áıeldi kóngish ári boı usynǵysh etip jaratty. Tek osylaı bolǵanda ǵana otbasynda tártip pen raqat ómir bolady.

Áıel adam kóngishtigin kórsete otyryp, kúıeýine baǵynady, osylaısha, Alladan alǵan tabıǵatyn tolyqtyrady jáne naǵyz musylman-áıel retinde ózin kórsetedi. Kúıeýińizden bir taban tómen turýdan arlanbańyz. Ony kúıeýińiz mindetti túrde baǵalaıtyn bolady.

6. Alla Taǵalamen aradaǵy baılanysty nyǵaıtý.

Siz Allaǵa jaqyn bolǵan saıyn sizdi kóptegen adamdar, sonyń ishinde, kúıeýińiz de jaqsy kórip, syılaıtyn bolady. Allaǵa jaqyn pendeniń júzinde kez kelgen sulýlyqty basyp ketetin nury bolady. 

Pіkіrler Kіrý