Otyz kúnány joıyp, qabir azabynan qorǵaıtyn súre

05 tamyz 2019 2021 0
Оqý rejımi

Quranda 67 degen rettik sanmen ornalasqan «Múlk» degen súre bar. Mekkede túsken.

Onyń basqa da ataýlary bar, mysaly Mýnjııa – «qutqarýshy», Manı'a – «tyıym salýshy» jáne t.b. Bir hadıste «Múlk» súresindegi árbir árip úshin jerge bir perishte túsip, sol súreni oqyǵan adam úshin keshirim suraıtyny aıtylǵan.

«Bir adam bilmestikpen beıit janynan shatyr qurdy, baıqaýsyzda bireýdiń Tábarakál lázı bııádıhıl mýlk súresin oqyp jatqanyn estip qalady. Súreni oqyp bolǵannan keıin álgi kisi Alla elshisine (s.ǵ.s.)  kelip, suraıdy:

- Eı, Allanyń elshisi (s.ǵ.s.)! Bilmestikpen beıit janynan shatyr tigip qoıyp edim, qabir turǵyndarynyń bireýiniń Tábárak súresin oqyǵanyn estidim.

Paıǵambar (s.ǵ.s.) bylaı dep jaýap berdi: «Múlk súresi – uly qorǵaýshy, ol adamdy qorǵap, qabirdegi azaptan qutqarady».[1]

Hadıste Ibn Masǵýd Paıǵambarymyzdyń (s.ǵ.s.) «Múlk arǵy dúnıeniń azaptaryna tosqaýyl bolady»[2] degenin jetkizedi.

Muhammed paıǵambar (s.ǵ.s.): «Meniń qalaýym osy súreniń, ıaǵnı Ál-Múlktiń árbir múminniń júreginde bolǵanynqalaımyn (ıaǵnı bul súreni árbir musylman jatqa bilýin meńzep tur)».

«Quranda 30 aıattyq súre bar. Ol súreniń Qııamet kúni arasha túsýi adamdy Tozaq otynan saqtap, Jánnatqa kirgizedi. Bul – Múlk súresi».

«Kimde-kim Ál-Múlk súresin uıqyǵa jatardan buryn oqysa, 30 saýap jazylyp, 30 kúnási keshiriledi, dárejesi 30 ese ósedi. Alla Taǵala ol adamǵa bir perishteni jiberedi. Ol óziniń qanattaryn sol adamnyń ústine jaıyp, turǵanǵadeıin ony barlyq jamandyqtan qorǵaıdy».

«Marqumdy qabirge jatqyzǵannan keıin azap perishteleri onyń aıaq jaǵynan keledi. Sonda aıaqtary aıtady: «Munda jol joq. Bul adam túnde uıqysynan turyp, Ál-Múlk súresin oqydy». Perishteler basyna kelgende, tili aıtady: «Sender bul jerge tıise almaısyndar. Ol menimen birge Ál-Múlk súresin oqydy».

Ibn Masǵýd aıtty: «Kimde-kim bul súreni árbir túni oqysa, qabir azabynan qutylady».

Eger kózi aýyrǵan adam bul súreni 3 kún qatarynan oqysa, kóz aýrýynan aıyǵady.

Eger kimde-kim bul súreni oqýdy ádetke aınaldyrsa, tek bul ómirde ǵana emes, arǵy ómirde de Allanyń meıirimine bólenedi, Tozaq otynan jáne ólim sátinde shaıtannyń aram oılarynan qorǵan tabady.

 


[1] Tırmızı
[2] Hakım

Pіkіrler Kіrý