Oıynshyq ta – tárbıe

Bir aýylda jasy egde tartqan usta bolypty. Ol aýyldyń balalaryna túrli oıynshyqtar jasap beredi eken. Biraq onyń oıynshyqtary óte názik bolǵandyqtan, az ýaqytta synyp qala beredi.

Bir kúni balalardyń ata-analary ustaǵa kelip: « Usta, sizdiń jasaǵan oıynshyqtaryńyz óte ádemi, biraq  tym názik, balalarymyz tez syndyryp ala beredi. Sol úshin oıynshyqtardy myqtylaý, uzaq ýaqytqa jaraıtyndaı etip jasasańyz jaqsy bolar edi», – deıdi. Sonda usta: «Biraz ýaqyt ótken soń balalar eseıip, erjetedi. Al men olardyń ózine qymbat nársesin syndyrmaı, baǵalaı bilýdi kishkene kúninen úırenip, óskende qınalmasa eken deımin», – dep jaýap beredi.