QADIR TÚNINIŃ KEIBIR EREKShELIKTERI

Alla taǵala keıbir qadirli nárselerdi hıkmetpen jasyrǵan. Mysaly, quldarynyń barlyq ǵıbadat pen qulshylyǵynan násibin alý úshin rızalyǵyn qulshylyq-ǵıbadatqa, úlken-kishi kúna ataýlydan aýlaq bolý úshin azap-ashýyn kúnálarǵa, Quran kárimdi tolyq hatym etip taǵzym etý úshin Ism Aǵzamdy Kuran kárimge, namazyn qaza qylmaı, durys mán berýi úshin salat ýstaıy bes ýaqyt namaz ishine, kún boıyna duǵa etsin dep, qabyl bolatyn ýaqytty juma kúnine, basqasy tómenshektemesin dep áýlıe quldaryn adamdar arasyna, ramazan aıynyń ár túnin qulshylyqpen, ǵıbadatpen ótkizip, kóbirek saýap alsyn dep Qadir túnin ramazan aıynyń bir keshine jasyrǵan.

Paıǵambarymyz (s.a.ý.) Qadir túniniń keıbir belgilerin bylaı bildirgen: «Ol túni aspan shaıdaı ashyq, bultsyz, jaıly qońyr  samal esip túrady. Ol túnniń tańy da baıaý atady. Qadir túni Quran kárim túsken múbárak tún.  Bul túni jasalǵan ǵıbadat myń aıda jasalǵan ǵıbadattan qaıyrly.

Paıǵambarymyzǵa (s.a.ý.) aldyńǵy ótken úmmettiń ómiri kórsetiledi. Óz úmmetiniń ómiri qysqa ekenin kórip, Allaǵa duǵa qylady. Duǵasyna jaýap retinde, Alla taǵala myń aıdan qaıyrly bolǵan Qadir túnin ıhsan etedi. Qadir túninde perishteler jer betine túsedi. Bul túnniń syrlaryna tereń boılamaq bolyp engen perishtelerdiń jer júzine tolyp, kóptiginen tarylǵanyna oraı, bul túnge «tar» maǵynasyn beretin «qadr» esimi berilgen.

 Paıǵambarymyz (s.a.ý.) bylaı deıdi: «Qadir túni bolǵanda Alla taǵalanyń ámirimen Jábraıyl perishte jasyl baıraq ustaǵan basqa perishtelermen birge jer betine túsip, baıraqty Qaǵba mýazzamanyń ústine tigedi. Bul túnde Jábraıyldyń nusqaýymen basqa perishteler turǵanǵa, otyrǵanǵa, namaz qylǵanǵa, zikir etkenge bárine sálem berip, olarmen qol alysyp, jasaǵan duǵalaryna «ámın» deıdi. Tań aǵarǵanǵa deıin osylaı jalǵasady».