QADIR TÚNINIŃ QASIETI

قَالَ رَسُولُ اللهِ صَلَّى اللهُ عَلَيْهِ وَسَلَّمَ: مَنْ يَقُمْ لَيْلَةَ الْقَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ. (ق)

Paıǵambarymyz (s.a.ý.) bylaı deıdi: «Kimde-kim abzaldyǵyna senip, saýabyn tek Alladan úmittenip qadir túnin qulshylyqpen ótkizse, ótken kúnálary keshiriledi». (Mýttáfáqýn alaıh)

Sahabalar Alla Taǵalanyń Qadir túni jaıly; «Myń aıdan qaıyrly» - degen maǵynadaǵy Qadir súresiniń 3-aıatyna qýanǵandaı eshteńege qýanbaǵan.

Ardaqty Paıǵambarymyz (s.a.ý.) sahabalaryna Israıyl urpaqtarynan tórt adam jaıyn baıan etedi. Olar qas qaǵymdaı sátke de Allaǵa qarsy shyqpaı, seksen jyl qulshylyq jasaıdy. Sahabalar buǵan tań qalysady.

Jábireıil (a.s.) kelip: «Ýa, Muhammed! Sen jáne sahabalaryń qas qaǵymdaı sátke de Allaǵa qarsy shyqpaı, seksen jyl ǵıbadat jasaǵandarǵa tańyrqastyńdar. Alla Taǵala saǵan budan izgisin túsirdi» dedi jáne «Innáá ánzálnaahý fıı láılátıl-qadr... (Biz ony Qadir túninde túsirdik)» (degen maǵynadaǵy) aıatpen bastalatyn Qadir súresin sońyna deıin oqydy. Paıǵambarymyz (s.a.ý) ben sahabalar buǵan qatty qýanady.