QUNANBAIDYŃ BORYShY

16 sáýіr 2024 763 0
Оqý rejımi

1874 jyly Qunanbaı 70 jasynda Mekkege barmaq bolady. Elin jıyp alyp, batasyn alady. Halyq Qunanbaıdyń oń saparyn tilep, aman kelýin surasady. Qunanbaı qasyna óziniń asyrap alǵan balasy – Yzǵuttyny ertpek bolady. Eshbir adam Yzǵuttyny asyrandy demeıdi. Qunanbaıdyń Mekkege júretinin estigen soń, Shákárimniń sheshesi Tólebıke óziniń kúndesi Botantaıdy, balalaryn jıyp alyp aqyldasyp, qalaǵa mal sattyryp, Qunanbaıdyń jol qarajatyna dep aqsha aparyp beredi. Qunanbaıdy kelin-balalary «Táte» deıdi. Qunanbaı Mekkege júrerde eki kelini balalaryn ertip, batasyn alyp qalamyz dep Qunanbaıdikine keledi.

Sonda Qunanbaı:

– Qaraǵym kelinderim, men senderge úlken boryshtymyn. Sender biriń 34 jasta, birin 29 jasta Qudaıberdiden jesir qaldyńdar. Odan qalǵan balany er-jetkizip, tárbıelep, ósirdińder. Balaǵa degen analyq meıirimderińdi basqa eshbir ómirge aıyrbastamaı, tek myna nemerelerimdi adam etip shyǵarýǵa jumsadyńdar. Mine, sol eńbekteriń búgin ótelip, eshkimge kóztúrtki bolmaı erjetti. Ekeýińniń osy qaryzdaryń menin moınymda, ekeýiń ne qalasańdar da berem dep etken ýaǵdam bar edi. Jáne mynaý otyrǵan balalarym men nemerelerime ólgenshe senderdi syılap ótińder dep kózbe-kóz tapsyrmaq edim. Qudaıberdi meniń tól basym edi. Ol bir anadan jalǵyz bolyp, jastaı qaıtys bolyp, artyna jas balalaryn qaldyryp ketip edi. Sol aq úrpek balapandaryn aıalap ósirgen sender. Qudaıberdi ólgende, balalary jetimdik kórmeı, erjeter me dep arman etken edim. Sol armanym oryndaldy, oǵan qudaıdan soń, eki kelinim, sender sebep boldyńdar. Qudaıberdiniń balalary qaǵý-tartý kórip júrse, maǵan arylmas qaıǵy bolar edi. Sondyqtan ekeýińniń mende qaryzdaryń bar deýim sol, - dep kelinderi men nemerelerine batasyn beredi.

 

(Ahat Shákerimulynyń esteliginen)

 

Pіkіrler Kіrý