RAMAZAN OSYNDA: AL, SEN QAIDASYŃ?
«Kim aqyret paıdasyn qalasa, oǵan onyń paıdasyn arttyra túsemiz. Al jáne kim dúnıeniń paıdasyn izdese, oǵan odan beremiz. Oǵan aqyrette nesibe joq» (“Shýra”, 20).
«Bul dúnıe — eginge arnalǵan Aqyrettiń egistik dalasy.» (Hadıs)
Bul dúnıe eginge arnalǵan Aqyrettiń egistik dalasynan artyq eshteńe emes. Ramazan aıy — egin egetin ýaqyt. Eńbek etken, izgiliktiń dánin ekken, alqaptaryn táýbe kóz jasymen sýarǵan, kúná men qumarlyq atty aramshópterden dalasyn orazamen tazartqan, raqymdylyq bulttaryn Quran oqyp, zikir ete otyryp suraǵan jan aqyr sońynda Jánnat astyǵyn ósiredi de ózin Jahannamnyń jan shydatpas azabynan aman alyp qalady. Ne ekseń, sony orasyń! Baıyptylyqpen eńbek etetin, taqýalyqty ósiretin, júrekterimizdi qunarly ári Allanyń buıryqtaryna boısunýshy etetin kez keldi.Ramazan bizge Allanyń sheksiz qazynalaryna qol jetkizýge múmkindik beredi. Alýǵa daıyn bolǵandar úshin bul nyǵmetterdi qabyl eter aı.
Oraza taqýalyqty nárlendiredi.
Taraýıh namazy júrekti sýsyndandyrady.
Quran oqý men zikir etý (tilmen, júrekpen Allany eske alý) izgiliktiń dánin egedi.
Meshitke jıi barý Allanyń raqymdylyǵyna sebepker bolady.
Duǵa eginimizge qorǵan bolady (ıaǵnı duǵa etsek, Allanyń qorǵanynda bolamyz).
Alla Taǵala Ramazan aıynyń ár kúninde Jánnatta arnaıy baq daıyndap, ony bezendiredi de oǵan: «Maǵan adal quldarym dúnıedegi úlken synaqtardan ótip, saǵan keletin ýaqyt jaqyn…» , — deıdi.
Ramazan osynda: al, sen qaıdasyń?
Orazańyz ózińizdi tek tamaq pen sýdan shekteý ǵana bolmaýy shart. Kóz, qulaq, til jáne júrekke de sanaly túrde oraza tutqyzýyńyz kerek. Ramazan eń az degende tyıym salynǵandardan aýlaq turýdy jáne paryzdardy oryndaýdy talap etedi. Al Ramazannyń rýhyn seziný úshin Allanyń mahabbaty men razylyǵyna esik ashar degen úmitpen nápil ǵıbadattar da oryndaý kerek. Ózine júrip kelgenderge Alla Taǵala júgirip keledi, al Oǵan qolyn sozǵandarǵa qushaǵyn jaıady. Shaıtan kisendeýli bolǵanda da, beıǵamdyqpen kúná isteýdi jalǵastyrsaq, ol bizdiń Ibiliske qanshalyqty boısunýshy bolyp ketkenimizdi anyq kórsetedi.
Ramazan — rýhymyzdyń jaǵdaıyn baqylaıtyn, ımanymyz ben Allaǵa boısunýshylyǵymyzdy qaıta baǵalaıtyn kez.
«Ramazannyń ár túni men ár kúni Alla Jahannamnan kóp jandy bosatady. Kúndiz ne túnde duǵa etken ár musylmannyń duǵasy qabyl bolary anyq.»
Ramazan osynda: al, sen qaıdasyń?
Sonymen qatar, Ramazan — jomarttyq, meıirimdilik ári qaıyrymdylyq aıy. Bul tek qarajatqa ǵana qatysty emes, minez-qulqymyzǵa da qatysty. Muqtajdarǵa qol ushyn sozyńyz, qabiletterińizdi olarǵa kómektesý úshin qoldanyńyz ári sizdi renjitkenderge keshirimdi bolyńyz, sebebi bul ister Allanyń sizge kómektesýine ári keshirýine sebepker. Basqaǵa meıirimdi bolǵandarǵa Allanyń meıirimi jańbyrdaı jaýady. Basqaǵa keshirimdi bolǵandardy Alla ta keshiredi.
«Ash bolǵandardy tamaqtandyrǵan, kıimi joqtardy kıindirgen, sapardaǵylarǵa pana eter jer bergenderdi Alla Taǵala Aqyret alapatynan aman alyp qalady.»
Ramazan osynda: al, sen qaıdasyń?
Ramazan — boıymyzdaǵy sabyrlyqty jattyqtyratyn kez. Qumarlyq qushqanda, sabyr ete bilý… Alla paryz etkendi oryndar sátte sabyr ete bilý… Ári qıynshylyqpen, synaqpen betpe-bet kelgende, sabyr ete bilý… Sabyrlyq ıaqındy (Allaǵa ıman) kúsheıtedi. Ol taǵdyrǵa ımanymyzdy da kúsheıtip, boıymyzdaǵy kishipeıildikti arttyrady. Eger biz beıǵam, solǵyn ári taǵatsyz bolyp ketsek, ol sabyrymyzdy joǵatqanymyzdyń belgisi bolmaq.
«Rasynda, bul sabyrlyq aıy, shyn sabyrlyq úshin syı — Jánnat.»
Ramazan osynda: al, sen qaıdasyń?
«Bul aıdyń birinshi bóliginde Allanyń meıirimi, ortasynda keshirimi, al sońǵy bóliginde Jahannamnan azat bolý bar.»
Jánnattyń esikteri ashyq ta, Jahannamnyń esikteri jabyq. Allanyń raqymy men meıirimdiligi molaıǵan kez. Ol ár kún men tún:
«Maǵan jalbarynýshylar bar ma, júregi qalaǵan nárseni oǵan bereıin?» — dep suraıdy.
Ramazan osynda: al, sen qaıdasyń?
Bul sózder «Ramazan osynda edi: al, sen qaıda ediń?» degen suraqqa aýyspaı otyryp, ózimizdi ózgertýge asyǵaıyq.
