SAǴAN ǴANA QULShYLYQ ETIP, SENEN ǴANA JÁRDEM TILEIMIN!

16 sáýіr 2024 684 0
Оqý rejımi

Ýa, Alla Taǵalam! Men senen tańǵajaıyp dúnıeler men saǵym bolǵan armandardy emes, men senen tek qana árbir kúnimniń berekesin suraımyn. Meni árbir kishkentaı is-árekettiń ózin kórkem túrde jasaı alatyn adam etkeısiń!

 Meni kúndelikti ómirimde janymdy tolqytqan jańalyqtar men tájirıebelerdi ıgere alatyndaı qyraǵy ári alǵyr ete gór!

 Maǵan ýaqytymdy durys júıeleýdi úıretip jáne mańyzdy nárselermen mańyzsyz nárselerdiń ara-jigin ajyrata alatyn túısik syılaǵaısyń! 

Ýa, Táńirim! Ómirde taıǵanaqtap, jaza basyp ketpeı árbir sátimdi tıimdi paıdalaný úshin maǵan óziń qoıǵan mejeńnen attap baspaıtyn ustamdylyq násip etkeısiń!

Sol arqyly bıik shyńdar men alys jatqan belesterge kóz tastaı júrip tek ara-tura ónerden de lázzat alýymdy násip ete gór!

Meniń ótken-ketken jáne bolashaqtaǵy armandarǵa aldanbaýyma, olardyń maǵan esh medet bola almaıtynyn túsinýime kómektesshi. Maǵan dál osy jer men dál osy sátimniń eń mańyzdy ekenin uqtyra gór!

 Meni ómirde bári jaqsy bolý kerek degen jaman oıdan aryltqaısyń!

 Ómirdegi qandaıda bir qıyndyqtar, jeńilister men súrinýler meni tek kemeldendire túsetin ómirdiń eń mańyzdy bóligi ekenin uǵatyn sana ber!

Ýa, Jaratqan! Júrek pen aqyldyń únemi talasqa túsetinin meniń esime jıi salǵaısyń!

 Maǵan der kezinde betime batyly jetip shyndyqty aıtatyn adamdy jibere gór!

Biraq ol sol shyndyqty mahabbatpen aıtsa eken!

 Men kóp qıyndyqtardyń ýaqyt óte artta qalatynyn, tipti eshteme istemesekte kóp máselelerdiń túıini ózi-aq sheshiletinin bilemin. Sondyqtan maǵan sabyr etýdi úıretkeısiń! 

Ýa, Jaratýshy Iem! Sen bizdiń dostyqqa qanshalyqty zárý ekenimizdi bilesiń!

Endeshe meni taǵdyrdyń osynaý qasterli syıyna laıyqty bolýymdy násip etshi!

Meniń bireýge eń kerek sátte, eń kerek ýaqytta únsiz nemese sózben eń kerek jylýdy syılaýym úshin maǵan shalqar shabyt pen sheksiz qııal násip etkeısiń!

Meni ómirde eń tereń quzǵa qulaǵandarǵa deıin qol ushyn soza alatyn adam etkeısiń! Meni ómirde birdeńeden qur qalyp qalamyn degen qorqynyshty oıdan qutqara gór!

 Maǵan men suraǵandy emes maǵan eń qajettini ǵana násip qyl!

Ýa, Rabbym! Men árbir kishkentaı áreketterimniń ózin kórkem túrde jasaı alatyn adam ete gór!

 

Pіkіrler Kіrý