Sahabalardyń jalpy sany qansha?

Paıǵambarymyz kóz jumǵan ýaqyttaǵy sahabalardyń jalpy sany jaıly naqty málimet joq. Desek te, Islam tarıhyna baılanysty jazylǵan klassıkalyq keıbir eńbekterde júz myń sahabanyń bolǵandyǵy aıtylǵan.

Mysaly, qoshtasý qajylyǵyna 40 myń, Tábýk joryǵyna 70 myń sahabanyń qatysqandyǵy jaıly Islam tarıhyna baılanysty shyǵarmalarda málimetter bar. Imam Shafıǵı Paıǵambarymyzdy (s.ǵ.s.) kórip, odan hadıs rıýaıat etken sahaba sanynyń 60 myń bolǵandyǵyn aıtady.

Mekkeni alǵanǵa deıin qaıtys bolǵan sahabalardan ózge, Mekkeniń alynýy kezinde sahabalar alys jaqtarǵa tarap ketkendikten olardyń esimderiniń kóbi keıingi urpaqqa jetpegen.

Sahaba esimderin shyǵarmasynda eń kóp kórsetken ǵalym – Ibn Hajar. Ol «Isaba» atty eńbeginde 11 783 sahabanyń atyn ataıdy[1].