Sahabalarmen birge jasalǵan Paıǵambar (s.ǵ.s.) duǵasy

11 shіlde 2019 3116 0
Оqý rejımi

Oqylýy: «Allahýmmá habbıb ıláınál-ıımááná ýá záıınhý fı qýlýýbıná ýá kárrıh ıláınálkýfra ýál-fýsýýqa ýál-‘ısıaná ýáj‘alná mınár-raashıdıın».

Maǵynasy: «Ýa, Alla Taǵalam, bizge ımandy súıgizip, ony júregimizde bezendire gór! Sondaı-aq, bizge kúpirlikti, kúnáni jáne Ózińe baǵynbaýdy jek kórgizip, bizdi týra jolda bolǵandardyń qataryna qosa gór!»

Ardaqty sahaba Ýbáıd ıbn Rıfa‘adan (r.a.) jetken bul duǵa Ahmád ıbn Hanbáldiń hadıs jınaǵy men basqa da hadıs kitaptarynda kezdesedi. Bizge jetken habar boıynsha Uhýd shaıqasynan keıin Mekkelik múshrikter keri qaıtýǵa bet alǵan kezde Paıǵambarymyz (s.ǵ.s.) sahabalaryna: «Jınalyp sap túzeńder, sendermen birge Rabbyma madaq aıtaıyn», − deıdi. Sahabalar bul buıryqty estı salysymen dereý jınalyp Paıǵambarymyzdyń (s.ǵ.s.) artynda sap túzeıdi. Sol kezde Paıǵambarymyz (s.ǵ.s.) uzaq ýaqyt duǵa etedi. Mine, osy duǵa sol kezde aıtylǵan duǵanyń bir bóligi bolyp tabylady[1].

 


[1] Mýsnádý Ahmád ıbn Hanbál, Mýsnádý ál-mákkıın 14945; Mý‘jám ál-kábıır, 8-tom, 99-bet; Faıdýl-qadıır, 4-tom, 521-bet.

Pіkіrler Kіrý