Salaýattyń sharapaty tıdi

Ilgeride bir adam musylman baýyrynan bes júz dınar aqsha qaryz alady. Kelisilgen ýaqytta qaıtara almaǵan soń, qaryz berýshi adam qazyǵa baryp shaǵymdanady. Qazy qaryzqor adamdy zyndanǵa salýǵa buıyrady.

Sol kezde qaryz alǵan adam qazyǵa: «Qurmetti qazy myrza ! Meni zyndanǵa salǵanyn januıam bilmeı qalady ǵoı. Tym bolmasa jaǵdaıymdy aıtyp,qoshtasyp kelsem bola ma?» – deıdi.

-Qashyp ketseń ne isteımiz? Saǵan kim kepil bolady? - deıdi.
-Kepilge Rasýlallany (s.ǵ.s) qoıamyn, - deıdi.

Qazy dindar adam bolatyn.Bul adamnyń shynaıy nıetpen aıtqan sózine senip, qoıa beredi. Álgi adam otbasyna kelip, bolǵan jaǵdaıdy aıtady. Kepildikke Rasýlallany (s.ǵ.s ) qoıǵanyn estigende, barlyǵy jylaıdy. Bul jaǵdaıdan shyǵý úshin bala-shaǵasymen birge salaýat aıta bastaıdy.Túni boıy salaýat oqyp otyryp,barshasy qaljyrap, uıyqtap ketedi.

Otaǵasy túsinde Rasýlallany (s.ǵ.s) kóredi.

-Erteń tańerteń qala ákimine bar. Menen sálem aıt, seniń qıynshylyǵyńdy sheship bersin. Qııamette men oǵan shapaǵatshy bolyp, qıynshylyǵyn sheshemin de.

Dáleliń ne dese, ár kúni bul adam maǵan myń márte salaýat aıtatyn, biraq ótken túni jartysyn ǵana aıtty. Ana beretin aqshasy sonyń óteýi bolsyn dep aıt, - deıdi.

Bul adam tań atqan soń qala ákimine baryp Rasýlallanyń (s.ǵ.s ) sálemin jetkizedi. Qala ákimi: «Sen maǵan súıinshi habar jetkizdiń. Óıtkeni,kimde-kim túsinde Alla elshisin (s.ǵ.s ) kórse,ony kórgeni. Rasýlallanyń (s.ǵ.s ) beınesine shaıtan kire almaıdy. Biraq, qandaı dáleliń bar? - deıdi.

-Siz ár kún saıyn Paıǵambarymyzǵa (s.ǵ.s ) myń márte salaýat aıtady ekensiz. Biraq ótken túni jartysyn ǵana aıtypsyz. Sonyń óteýi retinde meniń qaryzymdy tólesin dep aıtty, - deıdi.

-Alla ulyq! Bul nárseni janymda jatqan jubaıym da bilmeıdi. Seniń túsiń aqıqat. Maǵan súıinshi habar jetkizgen Saǵan Alla razy bolsyn! - dep bes júz dınar qaryzyn tóleýge, túsi úshin myń dınar súıinshi beredi.

Aqshany ala salymen qazyǵa asyǵyp kelse, qazy da sottyń aldynda buny kútip tur. Qazy:

-Baýyrym seni kútip turmyn. Seniń sharapatyńmen Rasýlallany (s.ǵ.s ) túsimde kórdim. Maǵan qaryzǵa batqan adamnyń aqysyn tóleseń, Qııamette shapaǵat etemin dedi. Maǵan odan úlken baqyt joq!  Mine, baýyrym bes júz dınar qaryzyńa, al myna myń dınar osy tús úshin, óıtkeni ómiri mundaı qýanyshty tús kórmedim, - deıdi.

  Osylaı qazymen sóılesip turǵanda, qaryz bergen adam da keledi.  Ol da:

-Baýyrym seni izdep keldim. Men búgin túsimde Rasýlallany (s.ǵ.s ) kórdim, maǵan «Ana kisiniń qaryzyn kesh. Qııamette saǵan shapaǵatym ýájip bolady» dedi. Qaryzymdy keshtim. Al, mynaý seniń bereketińmen osy tústi kórgenim úshin myń dınar syılyǵym, - dep aqshasyn beredi.

Osylaısha keshe ǵana qaryzyn bererge aqsha taba almaı turǵan jan salaýattyń sharapatymen úıine tórt myń dınar ákelip, Allaǵa kóp shúkirlik etipti.

Paıǵambarymyz Muhammed Mustafa (s.ǵ.s ) hadısinde: «Qııamet kúni adamdardyń Maǵan eń jaqyny – myna dúnıede Maǵan kóp salaýat aıtqany»[1], -  dep aıtqandaı, Jaratqan Iemiz bizge kóp salaýat aıtýdy jáne Paıǵambarymyzdy (s.ǵ.s) túsimizde kórýdi násip etsin! 

[1] Tırmızı

Qýat Qabdolda