Shaıtan ǵıbadat esiginen keledi

11 maýsym 2019 8317 0
Оqý rejımi

Sheıh ash-Shaǵraýı «Máıdá» súresiniń 92-aıatyn tápsirleı kele bylaı deıdi: «Allaǵa boı usynyńdar jáne de Elshisine boı usynyp saqtanyńdar…» dep Allanyń buıyrýynda úlken syr bar. Óıtkeni, biz oılaǵandaı shaıtan kúná esiginen emes, ǵıbadat esiginen keledi.

Alla Taǵala aıatta Allanyń paryzy men Paıǵambarymyzdyń (s.ǵ.s.) súnnetine boıusynǵannan keıin, «saqtanyńdar» dep buıyrýy beker emes. Sebebi, adam qulshylyq jasaǵan saıyn, nápsisi kelip: «Sen elden artyq boıusyndyń, sen elden artyq ǵıbadat jasadyń», – dep, adamdy rııa  jasaýǵa, maqtanýǵa aparyp, amalyn qurdymǵa jiberedi.

Sondyqtan, Allanyń quly ǵıbadat jasaǵan saıyn saq bolǵany abzal, ıaǵnı qulshylyǵyn bir Allanyń rızalyǵy úshin jasaýǵa mán berý kerek».

Bir kúni bir adam dúnıesin qaıda jasyrǵanyn umytyp, sonyń sheshimin Ábý Hanıfadan  suraǵan eken. Álgi kisiniń máselesi fıqh máselesi emes bolsa da, ımam: «Quptan namazyńnan soń tańǵa deıin tilek namaz oqy!», – deıdi. Álgi adam namazda turyp, joǵalǵan zatyn oılaı bastaıdy. Kóp ótpeı jatyp, esine túsedi. Dereý namazyn úzip, joǵalǵanyn izdeýge baryp, taýyp alǵan eken.

Osy oqıǵany ımamǵa aıtqanda, Ábý Hanıfa: «Shaıtan quldyń joǵalǵanyn taýyp berse de, Allaǵa tań atqansha qulshylyq etkenin qalamaıdy», – depti. Iaǵnı, shaıtan quldyń ǵıbadat esiginen kelip azǵyrý jasaǵan.

Alla bizge ǵıbadat esiginen saq bolǵan quldarynan bolýdy násip etsin!

Qýat Qabdolda

Pіkіrler Kіrý