STÝDENTIMMEN SAIaSAT TAQYRYBYNDAǴY DIALOG
- Ustaz, kópten suraıyn dep júrgen suraǵym bar edi.
- Iá, sura.
- Osy nege dindi saıasatqa qarý qylýǵa bolmaıdy, mysalǵa ıslamı partııa ashýǵa.
- Din — kún ispetti, rýhanı jáne moraldyq qundylyqtardyń qaınary, al saıasat — basqarý men qoǵamdaǵy tártip ornatý quraly. Saıasat beıne bir túndegi óziniń jaryǵymen júretin svetılnik tárizdi, búgin bar erten joq.
Dindi saıasat quraly retinde qoldaný qoǵamnyń turaqtylyǵy men dinı senimderge degen qurmetti buzady. Onyń ústine, ol ekeýin aralastyrý destrýktıvti ıdeıalarǵa jol ashý qaýpi bar, sebebi dinı senimderdi manıpýlıatsııalaý halyq arasynda bólinis týdyrady. Dindi saıasattan bólek ustap, onyń shynaıy rýhanı jáne beıbit mıssııasyn saqtaý óte mańyzdy.
- Nege onda keıbir saıasatkerler dinniń atynan sóıleıdi.
- Dindi saıasatqa qarý qylý bir bólek, saıasatty dinge qarý qylý bir bólek nárse.
- Qalaı sonda?
- Eger saıasat dindi qoldasa, ol tek beıbitshilik, ádilettilik jáne adamgershilik qundylyqtaryn ilgeriletý úshin qoldanylýy kerek, biraq ony manıpýlıatsııa quraly retinde paıdalaný durys emes.
- Eskide sahabalar saıasat júrgizdiǵoı. Nege olar sııaqty bola almaımyz?
- Olardyń zamanyndaǵy saıasat pen qazirgi saıasattyń qaǵıdalary bir-birine qarama-qaıshy.
- Qalaı sonda?
- Olardyń saıasattary Qurannyń qaǵıdalaryna negizdelgen edi. Iaǵnı, bireý ekinshi bireýdiń kúnásin arqalamaıdy. Qateligi úshin ózi ǵana jaýapqa tartylady, basqalar emes. Oǵan dálel Qurandaǵy:
و لا تزر وازرة وزر أخرى aıaty!
- Al qazir she?
- Qazir bir adamnyń qateligi úshin onyń komandasyn, kerek deseń barlyq áýletin qyryp-joıyp salady. Mysalǵa: bir adam aqıqatty aıtamyn dep komandasyn jaryp shyqsa sosyn Iassaýı hazrettiń kesenesin baryp panalasa, onda qazirgi saıasattyń qaǵıdasy negizinde bir adamnyń qylmysy úshin kıeli keseneni buzýǵa deıin barady. Ol áreketi úshin saıasat esh qynjylmaıdy. Al aqıqatty aıtqan jańaǵy shynshyl adamdy qııanatpen aıyptaıty. Osyndaı qaǵıdanyń arasynda júrip qyzmet etemin dep oılaý óte qıyn nárse.
- Ustaz, saıasat netken qatigez.
- Saıasat emes, ony qurǵan adamdar qatygez.
- Olaı bolsa saıasatqa aralaspaımyz ba?
- Aralasýǵa bolady árıne, biraq jeke ózińniń adamılyq, ulttyq múddeleriń úshin. Komanda quryp alyp, olardyń múddeleri úshin emes - dedim.
- Raqmet sizge, suraǵyma tolyq jaýap aldym!
Temýr AMANQUL
