Tańqaldyrǵany – topyraqtyń qasıeti emes, Paıǵambarymyzdyń ﷺ hadısi

29 naýryz 2019 7482 0
Оqý rejımi

Alla elshisi (s.ǵ.s.) óziniń bir hadısinde bylaı deıdi: «Jer betiniń barlyǵy maǵan qulshylyq etý úshin arnalǵan jáne tazalaǵysh qural bolyp tabylady. Meniń úmmetimnen kez kelgen adam qulshylyq ýaqyty kirgen jerde qulshylyǵyn óteı alady»[1].

Jaqynda ǵalymdar topyraqtyń quramynda joıylýy qıyn bakterııalardan tazalaıtyn ári óltiretin antıbıotıktiń bolatyndyǵyn anyqtady. Bul óz kezeginde Jerdiń tazalaǵysh qural ekendigin kórsetedi. Zertteý barysynda ǵalymdar topyraqty paıdalanyp, joıylýy qıyn bakterııalardy ketiretin tazalaǵysh suıyqtyq oılap tabýdy da josparlapty. Uzaq zerthanalyq zertteýden keıin olar topyraqtyń 24 saǵat ishinde bakterııalardy úrim-butaǵymen joıyp jibere alatyndyǵyna kóz jetkizgen. Al, bakterııalardyń topyraq qoldanylmaǵan toby zertteý barysynda 45 ese kóbeıgen.

Qoryta kelgende, ǵalymdar eger Jer quramynda antıbıotık bolmasa, onda adamdar vırýstar men bakterııalardan aýrý taýyp, joıylyp keter me edi degen boljam jasaǵan. Degenmen, Alla Taǵala bizdiń ómirimizdiń jalǵasýy úshin, tazartý quraldaryn da jasap qoıǵan. Bizge qalǵany osy bir keremetterge qarap, shúkirshilik bildirý.  

Qazirgi tańda topyraqtyń quramyndaǵy mıkroaǵzalardy medıtsınada qoldanady. Iaǵnı, antıbıotıkter jasap shyǵarady. Ol týberkýlez jáne oba aýrýlaryn emdeýde qoldanylady. Sondaı-aq, adamnyń terisin nemese basqa da múshesin aýystyrý kezinde paıdalanady. Ol aýysqan músheniń tez bitip, qalypty jumys jasaýyna kómektesedi.

Bir shaı qasyq topyraqta Jer betindegi adamnyń sanynan da kóp tirshilik ıeleri ómir súredi. Sondyqtan, ony Jer sharynyń úshinshi ómiri desek te bolady.

Qarap otyrsańyz, topyraqtyń osy bir qasıetin Paıǵambyrymyz (s.ǵ.s.) óz zamanynda qalaı bilgen deseńizshi. Bizdi tańqaldyrǵany topyraqtyń qasıeti emes, Paıǵambarymyzdyń (s.ǵ.s.) hadısi bolatyn.

 


[1] Buharı, 328; Mýslım, 521

Pіkіrler Kіrý