TARAZYDAN JEÝ-AÝYR KÚNÁ
Arabııanyń bir qalasynda Ysmaıyl esimdi bir saýdager bolypty. Dúkeninde saýda jasaǵan ár adamnan birneshe tıyn artyq alyp qalatyn ádeti bar eken. Sodan jaǵdaıy biraz jaqsarady. Biraq balalarynyń densaýlyǵy nashar edi, qarajatynyń kóbi dárigerler men dárilerge ketetin. Ol balalarynyń emine aqsha jumsaǵan saıyn, satyp alýshylaryn burynǵydan beter aldaıtyn. Sóıtip ol eldi kóp aldaǵan saıyn, balalary da kóp aýyra berýshi edi.
Birde Ysmaıyl dúkeninde balalarynyń densaýlyǵyn ýaıymdap, jalǵyz otyrǵanynda, oǵan bir sát aspan ashylǵandaı bolyp ketti. Ol moınyn sozyp, ne bolyp jatyr ózi dep aspanǵa qarady. Adamdarǵa Jaratýshy Táńirdiń úlestirip jatqan rızyǵyn dáý tarazy janynda ólshep turǵan perishtelerdi kóredi. Mine Ysmaıyldyń otbasysynyń da kezegi keldi. Perishteler tarazynyń bir basyna balalarynyń densaýlyǵyna tıisti rızyqty qoıar kezde, ony tarazynyń ekinshi basyna salynyp jatqan nyǵmettiń gırinen kemsitip tastady. Muny kórgen Ysmaıyl ashýlanyp ketip perishtelerge aıqaılaǵysy keldi, sol kezde olardyń bireýi burylyp, oǵan:
-Tarazy ádil. Ne úshin ashýlanbaqsyń? Bizdiń balalaryńnyń densaýlyǵyna tıisti nyǵmetti kemsitip jatqan sebebimiz, tek senii satyp alýshylarǵa jasaǵan qııanatyńdaı-aq. Biz Ulyq Qudaıdyń úkimin osylaı oryndaımyz!-dedi.
Ysmaıyl týra bireý qylyshpen túırep alǵandaı bop ornynan atyp turdy. Sodan ol osyǵan deıin jasaǵan qııanattaryna ókinip, Qudaıdan keshirim surap, táýbesine keldi. Sol kúnnen bastap ol dúkenindegi tarazysyn týralap, saýdany ádil jasaıtyn boldy, tipti sál artyqtaý salyp turatyn boldy. Balalarynyń da densaýlyǵy jaqsy bolyp ketti.
áleýmettik jeliden
aýdarǵan Júrsin Kárim
