TOQYM QAǴÝ

Ashamaıǵa mingen soń ile-shala básiresine mingen bala birinshi ret úıinen alysqa jolaýshylaǵanda áke-sheshesi bir malyn soıyp, onyń "TOQYM QAǴARYN" ótkizedi.

Al "TOQYM QAǴÝ" aq nıetten, adal kóńilden atqarylatyn ata-analyq paryz. Mine, osydan keıin qazaq bul balaǵa arnaıy aıyl-turman, er-toqym, júgen-noqta, shilder men kisen, arqan daıyndaıdy. Bylaısha aıtqanda, básireni jabdyqtaý shart. Óıtkeni osydan bastap balany baýlý, eńbekke tárbıeleý, anyǵyraq aıtqanda oqytý bastalady. Buryn qazaqta mektep bolmaǵan. Medirese az. Nadan, balalary tárbıesiz dep keýdesimen at basyp kete jazdap júrgender - shetinen dóıdala, pilge úrgender edi. Biraq olar qansha úrse de túıeniń ústindegi qazaqty qaba alǵan joq.

"TOQYM QAǴÝ" solarǵa qapqyzbaýdyń, soǵyssa jeńilmeýdiń alǵashqy sabaǵy. Biz osy "TOQYM QAǴARǴA" deıin balanyń on jas aınalasyndaǵy kezin sóz ettik. Buǵan deıinginiń bárin qazaq balalyq kez deıdi. Júgen-quryqsyz derbes shaq deıdi de,

onnan asa eńbek mektebine kirgizedi, oqytady.

SALTYŃ-SANAŃ, DÁSTÚRIŃ-DÁÝLETIŃ, ǴURPYŃ-ǴUMYRYŃ - deıdi, dana babalarymyz.